Navenda Nûçeyan / Qamişlo
Navenda Ragihandin û Çapemeniyê ya HPG’ê da zanîn ku di 13 çalakiyên de ku di 7,8,9’ê Îlonê hatine kirin, yek jê payebilind herî kêm 6 dagirker hatine cezakirin, çeperek û dronek jî hatine îmhakirin.
Navenda Ragihandin û Çapemeniyê ya HPG’ê diyar kir li hemberî berxwedana gerîlayan dagîrkeriya dewleta tirk ya faşîst, bi çekên kîmyewî û taktîk nukleer êriş dike û sûcên şer berdewam dike.
Daxuyaniya Navenda Ragihandina HPG’ê wiha ye:
“Artêşa Tirk a dagirker hemû derfetên xwe yên ekonomîk, leşkerî û siyasî ji bo şikandina berxwedana gerîlayan bi kar tîne û pê re jî bi bombeyên taktîk nukleer ên şîddeta wan zêde, çekên kîmyewî, balefirên şer, helîkopterên êrîşê, hawan û obusan Qadên Berxwedanê bombe dike. Artêşa Tirk a dagirker exlaqê şer û hiqûqa wê nas nake û li pêş çavê dinyayê sûcê şer ên di dîrokê de herî mezin de dike û Qadên Berxwedanê bi bombeyên taktîk nukleer û çekên kînyewî bombe dike. Artêşa Tirk a dagirker Qadên Berxwedanê 13 caran bi bombeyên taktîk nukleer û çekên kîmyewî, 6 caran bi balefirên şer, 10 caran bi helîkopterên êrîşê û bi dehan caran jî bi obus û çekên giran bombe kiriye.
Di 13 çalakiyên hêzên me de yek jê payebilind herî kêm 6 dagirker hatine cezakirin, çeperek û dronek jî hatiye îmhakirin.”