Navenda Nûçeyan / Qamişlo
Milîsên Rêzan Amed ên HBDH’ê ji bo silavkirina girtiyên li zindanan li ber xwe didin li fabrîkeya ta û dezî çalakiyeke sabotajê kir.
Milîsên Rêzan Amed ên HBDH’ê ji bo silavkirina berxwedana zindanan, di saetên pêşîn ên 6’ê Îlonê de bi sabotajê fabrîkeya ta û dezî ya li Gebzeya Kocaeliyê şewitand û Ji ber şewatê xisareke mezin di fabrîkeyê pêk hat.
Milîsên Rêzan Amed ên HBDH’ê diyar kirin ku milîsên wan ji bo silavkirina berxwedana zindanan çalakiyên xwe didomînin. Herwiha dan zanîn ku Ji bo silavkirina hevrêyên wan yên li zindanan û bîranîna hemû şehîdên wan yên zindanê, wan li Gebzeyê çalakiyeke sabotajê kir.
Milîsên Rêzan Amed ên HBDH’ê dan xuyakirin ku wan di salvegera şehadeta heval Kemal Pîr ku di rojiya mirinê ya di sala 1982’an de nemir bûbû, ev çalakî li dar xist. Herwiha dan zanîn ku ew bi vê çalakiyê berxwedana li zindanan silav dikin. Milîsên Rêzan Amed ên HBDH’ê diyar kirin ku ew soz didin hemû gelê xwe ku di serî de Rêberê Gelê Kurd Abdullah Ocalan ê ku li Zindana Îmraliyê li ber xwe dide, ew ê hemû girtiyên şoreşger azad bikin.