Navenda Nûçeyan /Qamişlo
Di encama êrişeke bi balafireke şer yê dewleta tirkî ya dagîrker ku li gor agahiyan çekdarên PDK’ê istibarat dayîne, 2 gerîla şehîdbûn û 3’ê gerîla birîndar bûn. Tevî hemû hişyariyên HPG’ê jî, PDK’ê di xiyaneta xwe de dewam dike û ji dagîrkeriya Tirkiyê re dibe amûr.
Tevî ku Fermandariya Biryargeha NPG’ê di 28’ê Tebaxê de bi daxuyaniyekî hişyarî dabû PDK’ê ku riyan ji dewleta tirkî re veneke û nebe hevkarê êrişên dewleta tirkî ya dagîrker yên ser qadên Gerîla, di şeva 5’ê Îlonê de dema komek gerîla xwestin ji herêma Xelîfanê derbasî herêmek din a gerîla bibin , çekdarên PDK’ê yên li herêmê îstîxbarat dane balafira deweleta tirk ya dagîrker û wê jî bi êrişeke hovane Koma gerîla kiriye armanc, di encamê de 2 gerîla şehîd bûne û 3’ê gerîla jî birîndar bûne.
Desteyên ragehendinê yên girîdayî dewleta tirkî êrişa PDK’ê ya ser gerîlayan piştrast kirin. Herwiha ragehandina PDK’ê jî diyar kirbû ku di encama êrişeke de 2 gerîla şehîd bûne û 4 jî birîndar bûne û ketine destên hêzên PDK’ê. Herwiha desteyên çapemeniya girêdayî PDK’ê ragehandibû ku ji çekdarên PDK’ê ti kes birîndar nebûyî ne.
Hêjayî gotinê ku ev ne cara yekê ye ku PDK’ê êrişî herêmên gerîla dike, di encama kemînên çekdarên PDK’ê de di salekê de 11 gerîla şehîd bûn e.
