Navenda Nûçeyan-Qamişlo
Bi armanca guhartina demografîk li kantona Efrînê ya dagirkirî, dewleta tirk ya dagîrker û rêxistinên Îxwanî, projeya avakirina mêtingeriya li navçeya Cindirêsê, berdewam e. Herwiha dewleta tirk û rêxistinên alîgirên wê, vî projeyê berfireh dikin.
Di çarçoveya guhartina demografiya kantona Efrîna dagîrkirî de, rêxistinên Îxwanî yên bi navên “Xeyrî” û bi fermana yekser ya ji dewleta tirk ya dagîrker digirin, ji bo berfirehkirina projeya avakirina mêtingeriyê, dixebitin.
Saziya ‘Wefa El Muhsenîn’ avahiyek ku ji 34 malan pêk tê, li navçeya Cindirêsê ya Efrînê ava kir û koçberîn pêkhateyên ereb yên ne xwedî cih, di wan avayiyan de bi cih dikin.
Herwiha heman saziyê beriya çend hefteyan, dest bi avakirina duyem ya avayiyê mêtingeriyê ku ji 80 malî pêk tê, kiriye.
Armanca dewleta tirk ya dagîrker û komên Îxwanî (Îxwan Muslimîn) ji avakirina avahiyên mêtingehiyê diyare, ew dixwazin cihkirina koçberên nexwecihî, nasnameya kantona Efrînê ya resen biguherînin.
Herwiha piraniya koçberên di avayiyên mêtingeriyê bi cih dibin, xelkê Filestînê ne. Navê avayiyên mêtingeriyê ku lê bi cih dibin, navê gundê xwe lê dikin wek“El-Zeîm“ ku navê gundekî li Filestînê ye.
