Navenda Nûçeyan/Qamişlo
Çalakiya konvedanê ya ji bo şermezarkirina bêdengiya hêzên navnetewî ku li ber Navenda Komseriya Kar û Barên Penaberan a Neteweyên Yekbûyî ya li Qamişlo, di roja 24’an de dewam dike.
Hêzên Parastina Civakî-Jin bi hevkariya Kongra Star ji bo şermezarkirina bêdengiya navneteweyî ya li hemberî êrişên dewleta Tirk a dagirker ên li ser herêmê û bi banga girtina qada hewayî, 12`ê Tebaxê çalakiya konvedanê li ber Navenda Komseriya Kar û Barên Penaberan a Neteweyên Yekbûyî ya li Qamişloyê da destpêkirin.
Konê çalakiyê bi alên Hêzên Parastina Civakî (HPC) û Kongra Star hatiye xemilandin. Her wiha wêneyên zarokên ku di encama êrişên dewleta Tirk de şehîd bûne û pankartên “Na ji dagirkeriyê re” û “Şehîd namirin” hatine daliqandin.
Her roj beşekê ji saziyan û gel di herikin bin kon û tekez dikin ku heya ev bêdengî berdewam bikin, ewê jî çalekiya xwe ya şermzarkirinê dewam bikin. Herwiha beşdervanên vê çalekiyê dibêjin, dewleta Tirk bûye bela serê gelan û her roj jin û zarokan dikûje, disa ev dewleta dagirker li berçavên cîhanê bûye hêlîna çeteyên DAIŞ’ê lê kesek dengê xwe nake. Emê jî li dijî vê bêdengiya bêşerim bin heya ku dengê me li cîhanê ve de.