PJAK’ê diyar kir ku fedakariya Şehîd Simko Serhildan li qada Qendîlê rûpelên zêrîn ên vê dîrokê nivîsandiye û got, em bang li ciwan, jin û tevahiya çînên bindest dikin ku riya azadî û demokrasiyê ya Şehîd Simko berdewam bikin
Partiya Jiyana Azad a Kurdistanê (PJAK) fermandarê mezin Simko Serhildan di salvegera 11’emîn a şehadeta wî de bi daxuyaniyekê bi bîr anî.
PJAK di daxuyaniya xwe de fermandarê mezin Simko Serhildan bi bîr anî û diyar kir ku fedakariya fermandarê destana dîrokî Şehîd Simko Serhildan (Macîd Kaviyan) li qada Qendîlê rûpelên zêrîn ên vê dîrokê nivîsandiye.
PJAK da xuyakirin ku destana Qendîlê, bi saya şer û xebata berxwedana hêzên gerîlayên Rojhilatê Kurdistanê îspat kir ku dijminê faşîst , bi taybet rejîma şoven a Îranê di projeya jenosîda çand û fizîkî şikestiye.
PJAK da zanîn ku hêza gerîla wê bi piştgiriya gelê Kurd têk neçe û serdema êrişên faşîstên dewletxwaz û kapîtalîst bi armanca tinekirina gelê bindest ber bi dawî ve diçe.
PJAK destnîşan kir ku bi destana Qendîlê re tevgera gelê Kurd li Rojhilatê Kurdistanê qateke din bi hêz bûye û her dema ku biryar bide, bi rêbaza tijî rêwî, dikare bi hezaran zarokên xwe yên azad ên weke Simko bişîne qada azadî û demokrasiyê.
PJAK’ê di dawiya daxuyaniya xwe de bang li gel, bi taybet ciwan, jin û tevahiya çînên bindest kir ku rêbaza azadî û demokrasiyê ya Şehîd Simko berdewam bikin.
