Navenda Nûçeyan/Hol
Di operesyona ‘Mirovî û Ewlehiyê’ de Jinên li Kampa Holê yên di bin xetera çeteyên DAIŞ’ê de diyarkirin ku xeteriya sûcên çeteyan herku diçe zêde dibe û da zanin ku ewlehiya cane wan qet nemaye.
Li Cîhanê kampa Holê yek ji kampên herî mezin û bi xetere. Çimkî jimareke mazin ji malbat, rêveber û serkêşên çeteyên DAIŞê lê dijîn. Hata niha jî ev xeterî dewam dike. Ji destpêka avakirina kampa ve, ji ber hişmendiya DAIŞ`ê, pirbûna koçberan û hebûna koçberên ji gelek welatan, li kampê her tim alozî û pirsgirêk derdikevin. Herwiha rojane kesên ku di hundirê Kampê de dijîn, li ser destên çeteyên DAIŞ`ê, tên kuştin. Çeteyan bi şevê dest bi liv û tevgerê dikin û bi awayekî hovane sûcan li dijî kesên li wir dimînin, pêk tînin. Bi taybet li dijî jinan van sûcan pêk tînin. Ji destpêka salê ve 44 kes bi demançeyên bêdeng, alavên tûj û çekan hatine qetilkirin û cenazeyan diavêjin kanalîzasyona herî nêzîk.
Ji ber rewşa ewlehiyê ya li kampa Holê Gelek jinên li kampê dimînin newêrin behsa bûyerên li wir bikin, hin ji wan jî dema ku behs dikin, newêrin navê xwe bidin. Ji ber ku çeteyên veşartî yên li wir yekser wan dikujin.
Ji bo ku em hê zêdetir rewşa li kampê nas bikin em bi hin jinên koçber re yên ku li wir dimînin axivîn. Lê jinan ji bo parastina ewlehiya xwe, navê xwe nedan. Jinan ji me re behsa rewşa xwe ya li kampê kirin. Hin jê dema ku diaxivîn di nav axaftinên xwe hêsir ji cavên wan dibariya, diyar dibû ku rewşa wan li kampê pir xirab e.
`Em newêrin bi rehetî tev bigerin`
Yek ji wan Jinên koçber yên li kampê da zanîn ku di dema koçberkirinê de, ew û zarokên xwe ji neçarî hatin li kampa holê bi cih bûn û nizanîbûn ka rewşa li kampê çawa ye. Herwiha got, rewşa me li vir pir xirab be, em newêrin bi rehetî tev bigerin. Çimkî em ditirsin ku jinên çeteyên DAIŞ me bikujin. Êdî nizanim çi ji we re bêjim, ji aliyekî newêrim bêjim, ji aliykî jî nizanim çi bêjim.
Jineke din jî diyar kir ku ew pir zehmetiyan li kampê dikşînin. Lê ji bo ku parastina xwe bikin elaqê xwe ji ti kesî naynin û şev û roj parastina xwe dikin. Herwiha got, em ji 2018`an ve hatine kampê. Rewşa kampê wê wam salan ji ya Îsal pir baştir bû. Çimkî îsal rewş zêde xirab bûye û awlehî qet nemaye.
Heman jinê di derbarê pêngava ‘Mirovî û Ewlekariyê’ jî got, ev pêngave teybet ji bo jinên di bin tirsa çeteyên DAIŞ’ê de pir baş bû. Em bi hêvîne ku ev pêngava ewlehiyê berdewam bike da kuem bikarin li vir jiyanekê ewle bijîn û pêşî li sûcên çetayan bê girtin.
