Navenda Nûçeyan / Qamişlo
Di roja duyemîn ya Pêngava Mirovî û Ewlehiyê ya li kampa Holê, Hêzên Ewlekariya Hundirîn ya bakur û rojhilatê Sûriyê, 4 tûnelên bi armanca xweveşartinê ku ji aliyê çeteyan ve hatine çêkirin, dîtin.
Çalakiyên lêgerînê di roja duyemîn ya pêngavê Mirovî û Ewlehiyê de li kampa Holê ya Hesekê ji hêla Hêzên Ewlekariya Hundirîn û bi piştgiriya QSD, YPJ û YPG´ê ve dewam dikin.
Di roja duyemîn ya pêngavê de ji aliyê Hêzên Ewlekariya Hundirîn ve, 4 tûnelên ku bi armanca xweveşartinê ya ku ji aliyê çeteyan ve hatine çêkirin, hatin dîtin.
Piştî kiryarên tundiyê li kampa Holê zêde bûn, Hêzên Ewlekariya Hundirîn، bi piştgiriya QSD, YPJ û YPG´ê, di 25´ê Tebaxê de, qonaxa duyemîn ya Pêngava Mirovî û Ewlehiyê li kampa Holê ya Hesekê ragihand. Di pêngavê de çalakiyên lêgerîna şaneyên çeteyên DAIŞ´ê yên xwe di nava niştecihên li kampê de veşartine bi baldarî pêk tên û nasnameyên niştecihên kampê tên piştrastkirin.
Di kampa Holê de, 54 hezar û 390 penaber û koçber hene, ji wan 27 hezar û 816 iraqî, 18 hezar û 483 sûrî û 8 hezar û 91 jî malbatên çeteyên DAIŞ´ê hene.
Hêjayî gotinê ye ku hêzên navneteweyî heta niha tu alîkariyên ji bo çareserkirina pirsgirêka li kampa Holê pêşkêş nekirin e. Herwiha hêzên navnetewyî wek nebûyine alikarên çareseriyê û tu cureyek ji destekdayînê û hevkariyê ji bo avakirina dadgeheke navneteweyî ya darizandina çeteyên DAIŞ´ê jî, ji bo Rêveberiya Xweser pêşkêş nekirin e.
