Her sê şehîdên ku di encama hedefgirtina balafira xwekuj ya ji aliyê dewleta tirk ya dagirker ve hatibûn şehîd xistin îro bi marasîmeke bi heybet ji aliyê gelê herêma Şehbyê ve hatin oxirkirin.
Şehba/Zana Roj
Bi hezaran Şêniyên herêma Efrînê li herêma Şehbayê bi marasîmeke bi heybet her sê şehîd Hemze, Fatma û Raşîd ku ji aliyê dewleta tirk ya dagirker ya ku li navçeya Til Rifet hatibûn hedefgirtin hatin oxir kirin.
Marasîm ji pêşiya nexweşxaneya Avrîn hat destpêkirin, ber bi goristana Fafînê ve meşiyan, zavayê ku di roja dawata xwe de hat şehîd xistin bi hine û def û zûrneyê hat pêşwazîkirin.
Ji aliyê saziya malbatên şehîdan ya kantona efrînê Henan Mamo axaftin hat kirin û wiha got: Dewleta tirk ya dagirker dîsa ciwan û sivîlan dike hedef, komkûjiya ku li Til Rifet hatiye pêk anîn ev ne komkûjiya yekemîne, kiryarên xwe yên domdar di derheqê sivîlan de rojane tên kirin û di bin bêdengiya navnetewî ev komkûjî tên pêkanîn.
Endamê kongira star a kantona Efrînê gulê Mihemed bal kişand ser ev komkûjî bi erêkirina dewletên navnetewî tên kirin û wiha got: Bi pêk anîna van komkûjiyan dixwazin îradeya gel bişkînin her wiha tevlîheviyan di herêmê de bidin ava kirin, lê ev gel hêz û îradeya xwe ji şehîd û ramanên Rêber APO werdigire.
Bi ser navê meclîsa kantona efrînê Mihemed Qenber axaftin hat kirin û wiha anî ziman: bi topbaran, êrîş û komkûjiyan dujmin nikare têkoşîn û vîna gelê berxwedêr têk bibe û rojana emê şehîdan di oxira vî welatî de bidin, berdêla rizgarkirina efrînê girane û wê ji me her roj şehîd werin dandin.
Her wiha axaftin ji aliyê birayê Şehîd Hemze û Şehîd Raşîd hatn kirin û wiha gotin: di oxira vegera li ser axa efrînê emê can û giyana xwe feda bikin.
Di dawiyê de wesîqeya her sê Şehîdan hat xwendin û bi def û zurneya Efrînî Şehîd hatin oxirkirin.
