Di bin durişmeya “ Ola îslamî ola rihm û aşîtiyê ye, Tirkiyê ji bo dagirkirin û talankirinê ye” Oldarên Herêma Şehbayê ji bo şermezarkirina êrîşên dewleta tirkî ya dagîrker yên ser xaka Suriyê, konê çalakiyan vedan.
Zana Roj / Şehba
Bi tevlîbûna sedan ji oldar ,rûsipî û endamên seziyên civakî li ser asta herêma Efrînê, çalakiyeke ji aliyê saziya oldaran ve hat li dar xistin. Çalakî li navçeya Fafînî ya herêma Şehbayê hat li darxistin.
Çalakî bi deqeyeke rêzgirtin hat dest pê kirin. Li ser navê Saziya Olî ya bakur û rojhilatê suriyê Şêx Yehya Mehmûd axivî û diyar kir ku di bin bi navê olê de, dewleta tirkî li her derê kuştinê dike û wiha got:” Dewleta tirkî ya dagîrker di bin navê ola îslamî dixwaze mudexeleya her derê bike. Weke ku tê zanîn herî dawî ji her alyî ve dixwaze axa Suriyê dagîr bike, ji bo pîlanên xwe ya dagirkirin û talan kirinê pêk bîne, çeteyan dixapîne û wan dide pêş”.
Şêx Yihiya Mehmûd di dawiya axaftina xwe de bang li tevayiya saziyên mafên
mirov kir ku li hemberî kiryarên dagîrkeriya tirkî bêdeng nemînin û xwedî li erkê xwe derkevin.
Li ser navê Yekîtiya Olî Ya herêma Şehbayê Mîad Reslan axvî û da zanîn ku ola îslamî nîşaneya aşîtî û hezkirinê ye û wiha got:” Ya ku dewleta tirkî niha dike para wî ji ol û îslamîyetê nîne, ew dagirkirine û qirkirina gela ye.”
Mîad diyar kir ku dewleta tirkî ya dagîrker bi eşkere alîkariya çeteyên DAIŞ’ê dike û wiha got: “Dweleta tirkî ya dagîrker hevkara çeteyên DAÎŞ ê ye. Tirkiyê ev teror da avakirin tenê ji bo ola îslamî di cîhanê de reş bike. DAÎŞ temsîla ola îslamî nake, tenê hêzeke terorîst e ye ku ji aliyê Tirkiyê ve tê birêvebirin”.
Hevserokê Meclîsa kantona Efrînê Mihemed Naso destnîşan kir ku ev yekîtya ku di herêmê de hatiye avakirin bi saya felsefeya Rêbar APO ye û wiha got: ” Ev zêdeyî 10 sala ye ku şoreşa Rojava hatiye avakirin, bi keda şehîdan û berxwedana gelên herêmê, hemû pêkhate û olên li bakur û rojhilatê Suriyê bi hev re jiyan dikin bêyî ku cudabûn hebe, ev yek jî pêkanîna pirojeya Netewa Demokratîk e”.
Di dawiyê de daxuyanî ji aliyê saziya olî a herêma şehbayê ve hat xwendin.
