Bi hezaran gelê Efrînê bi marasîmeke bi heybet şehîd Diyene Elo li goristana şehîdên berxwedana serdemê a navçeya Ehresê oxir kirin.
Şehba/Zana Roj
Bi hezaran şêniyên Efrînê cenazeya Şehîd Diyene Elo a ku di encama êrîşa dewleta tirk de li kantona Hesekê şehîd bûyî oxir kirin.
Merasîma şehîd ji pêşiya nexwaşxaneya Avrîn hat dest pê kirin, ber bi goristana Şehîdên serdemê a navçeya Ehresê ve çûn.
Merasîm bi deqeyeke rêzgirtin dest pê kir, axaftin ji aliyê hevserokê meclîsa şehîda a herêma Efrînê Hesen Berko hat kirin.
Hesen Berko di axaftina xwe de destnîşan kir ku bêdengiya navnetewî û hêzên li herêmê, hevkariya wan bi dewleta tirk re nîşan dide û wiha domand:” Encama ku DAÎŞ’ê di herêmê de wernegirtiye, dewleta tirk a dagirker dixwaza bi riya êrîşên xwe yên rojane yên li ser herêmê û bi hedefgirtina fermandar, xebatkar û kesên pêşeng re, bi dest bixe.
Li ser navê Rêveberiya Xweser a herêma Efrînê Fatmê Lektu jî axivî û got, êrîşên li ser herêmên bakur û rojhilatê Suriyê, bi armanca hilweşandina pirojeya Netewa Demokratîk û şikandina îradeya gel e.
Fatma Lektu di dawiya axaftina xwe de bal kişand ser berxwedaniya ku ji aliyê gelê herêmê ve tê kirin û got, gelê ku li ser xwîna şehîdan bûye xwedî deskeftî, wê tu carî serî li hember dijmin û dagîrkeran netewîne.
Di dawiyê de wesîqeya şehîd hat xwendin û bi tilîliyên dayîkan, şehîd hat oxir kirin.
