YPJ’ê di daxuyaniya xwe de banga hêzên navnetewî kir ku êdî çavê xwe li dijî sûcên dewleta tirkî ya dagirker negirin û got, dewleta tirk a faşîst bi hemû havîtiyên xwe hewl dide ku tola DAIŞ`ê ji hêzên YPJ’ê rake û DAIŞ’ê ji nû ve zindî bike. Li berçavên cîhanê sûcê mirovahiyê dike, lê cîhan bêdenge.
Navenda Nûçeyan/Qamişlo
Fermandariya Giştî ya Yekîneyên Parastina Jin (YPJ) têkildarî êrişên dewleta Tirk a dagirker ên vê dawiyê ku tê de hejmareke fermandar, pêşengên şoreşa Rojava û welatî û zarok şehîd bûne, daxuyaniyekê nivîskî weşand. YPJ`ê bal kişand ser bêdengiya dewletên navnetewî ya li dijî sûcên dewleta tirkî û banga hemû gelan kir ku li dijî sucên dewleta tirkî xwedî helwest bin.
Di daxuyaniya YPJ´ê de ev hate gotin:
“Şoreşa Rojava ya ku bi pêşengtiya hêzên YPJ’ê, keda gelê herêmê û bi xwîna dehan şervanên enternasyonalîst ve pêk hat, her dem bûye hedefa êrişên dewleta Tirk a dagirker û ew feraseta faşist bi alîkarî û fînansekirina çeteyên DAIŞ’ê, bi êrişên dagirkeriyê heya hedefkirina pêşengên şoreşa Rojava, êrişkariya xwe bi awayekî şênber raxistiye ber çavan. Dewleta Tirk a faşist bi van êrişan hewl dide tola DAIŞ ji hêzên YPJ’ê bigire û DAIŞ ji nû ve zindî bike.
Hemû cîhan dizane ku di pêşengtiya hêzên YPJ’ê de çeteyên DAIŞ têk çûn û bi vê serkeftinê şoreşa Rojava mezin bû û destkeftiyên YPJ’ê wisa ava bûn. Lê dewleta Tirk a dagirker û çete di sala 2016’an û vir de li Rojava, Bakûr û Rojhilatê Sûriyê dîsa li herêmên dagirkirî bi tacîz, tecawiz, revandina mirovan, ziyanên madî û manewî, guhertina demografî, kiryarên asîmîlasyonê, qaçaqî û talankirina cihên dîrokî, talankirina xwezayê heya êrişên tang, top û balafirên keşfê ve her cure êrişê pêk tîne û mafên mirovan bin pê dike. Ev êrişên dewleta Tirk a dagirker û çete li ber çavê hemû cîhanê pêk tên û heya roja îro li hember van êrişên hovane jî, ji aliyê tu sazî û dezgehan ve helwest nehatiye nîşandan.
Li ser vî esasî bangawaziya me ji gelê me, sazî û dezgehên demokrasîxwaz ew e ku her kes li hember van êrişan li hember dewleta Tirk a kujer û çete doz vekin. Di heman demê de em ji Konseya Ewrûpa û Netewên Yekbûyî re dibêjin van sûcên dewleta Tirk a dagirker û çete bixin rojevên xwe û li hember van sûcan helwestên şênber ku van êrişan bide sekinandin, raber bikin. Dîsa hemû kesên parêzkar, parêzerên dost re dibêjin ku ew jî xwedî li vê dozê derkevin û parêzeriya vê dozê bikin.
Di dema herî nêz de navên hin welatî, zarok û pêşengên şoreşa Rojava ên ku şehîd û birîndar bûne wiha ne:
Sosin Bîrhat 19.08.2021 Şehîd bû
Rênas Roj (Selahettin Şehabî) – 19.08.2021- Şehîd bû.
Egîd Girkê Legê (Bêvan Remedan) – 19.08.2021- Şehîd bû.
Rûbar Hesekê (Elî Elxirze) – 19.08.2021- Şehîd bû.
Seyfullah Ehmed (Seyfullah Newaf Ehmed) 19.08.2021- Şehîd bû.
Yûsif Gulo-85 salî – 09.11.2021 – Şehîd bû.
Mazlûm Gulo – 09.11.2021 Şehîd bû.
Mihemed Gulo – 09.11.2021 Şehîd bû.
Dilar Heleb (Ranya Henan)-20.04.2022 Şehîd bû.
Ronahî Kobanî (Rodîn Ebdulqadir Mihemed)-20.04.2022 Şehîd bû.
Kobanî (Cîhan Nidal Elî)-20.04.2022 Şehîd bû.
Mizgîn Botan (Rahîme Xezalî)-30.05.2022 Şehîd bû.
Mizgîn Kobanê (Sîham Mislim)-02.07.2022 Şehîd bû.
Jiyan Tolhildan (Selwa Yûsif)-22.07.2022 Şehîd bû.
Roj Xabûr (Ciwana Heso)-22.07.2022 Şehîd bû.
Barîn Botan (Ruha Beşar)-22.07.2022 Şehîd bû.
Dîna Osman 6 Salî-04.08.2022 Birîndar bû.
Mehmûd Xerîb Mamo 6 salî-04.08.2022 Birîndar bû.
Hisên Cemal Qasim 7 salî-04.08.2022 Birîndar bû.
Avrîn Ebdurehman Heyder 13 salî-04.08.2022 Birîndar bû.
Orîvan Mihemed Ebdo 15 salî-04.08.2022 Birîndar bû.
Hisên Beyrem Elîko 43 Salî-04.08.2022 Birîndar bû.
Sebah Henan Hemo 10 Salî-04.08.2022 Birîndar bû.
Azriya Ehmed Reşo 23 Salî-04.08.2022 Birîndar bû.
Ronah Silo 27 Salî-04.08.2022 Birîndar bû.”
