Lixwemikurhatina sîxûrê bi navê Yûsif û hevjînên wî ku bûne sedema şehîdxistina şervan û fermandarên QSD’ê, di bernameyeke teybet ya Ronahî TV de hat weşandin. Malbatên sîxuran li dijî wan helwesta xwe diyar kirin û gotin, dijminayiya gelê xwe kirine û divê bi cezayê herî giran bên darizandin.
Di 31’ê Tîrmehê de QSD’ê, ragihandibû ku di çarçoveya “Operasyona Sondê” de sîxûrên ku bi MÎT’ê re dixebitin û di şehîdxistina gelek şervan û hemwelatiyan de rol lîstine hatine girtin. Lixwemikûrhatina hinek ji van sîxuran, tevayî belge û daneyên sîxûrtiyê yên bi dest hêzên ewlekariyê ketine di bernameya bi navê ‘Rûyên Veşartî’ ya Ronahî TV de, hate weşandin. Di bernameyê de bi taybetî lixwemikûrhatina sîxûrê bi navê Yûsif Osman Sîdo ku ji gundê Erîşa ya Serêkaniyê ye û hevjînên wî, hate weşandin. Ev Sîxure li xwemikûrhatin ku li Til Temirê bûne sedema şehîdxistina şervan û fermandarên QSD’ê.
Bi rêya “Operesyona Sondê” cîhan hemû pê hesiya ku MÎT’a dewleta tirkî ya dagîrker ka bi şerê xwe yê qirêj çawa kesan di nava gelê wî de bê rûmed û nirx dike. Herwiha malbatên sîxûran û yên şehîdan jî ji bo Ronahî TV axivîn û helwesta xwe ya li dijî şerê qirêj yê dewleta tirkî û kesên ku bi dijminê xwe dixapin û li dijî walat û tekoşina xwe dibin sîxur diyar kir.
Malbatên Sîxura ku xwedî şehîdane dan diyar kirin ku, xayîntiya li walat û tekoşina azadiyê dijminahî ya herî mezin e û teqez kirin ku ew van kesan ne wek ewlad, wek dijmin dibînin. Herwiha dan zanin ku divê ew sîxur bi cazayê herî giran bên darizandin.
