Navenda Nûçeyan / Qamişlo
Yekîtiya Jinên Ciwan li gundê Mele Sibat yê bajarê Qamişlo meşek li dar xist. Di meşê de hate diyarkirin ku wê bi ruhê 15’ê Tebaxê ev sal bibe sala têkbirina dagîrkeriyê û gihîştina serkeftinê.
FacebookTwitterWhatsAppTelegram
Bi pêşengiya Yekitiya Jinên Ciwan meşek li gundê Mele Sibat yê bajarê Qamişlo hat li darxistn, meş ji bo şehadeta şehîd Dijwar Kobanê, Bawer Enîz û Edîb Elî ku di êrişeke balafirên bêmirov ya dagîrkeriya tirkî li gundê Mele Sibat şehîd bûn. Meşê li ber goristana gund dest pê kir û heta cihê bûyerê berdewam kir.
Li ser navê Yekitiya Jinên Ciwan Bihar Mihemed daxuyanî xwend.
Yekitiya Jinên Ciwan di daxuyaniyê de salvagera 38’an ya Pêngava 15’ê Tebaxê de ku bi pêşengiya fermandarê mezin û nemir şehid Egîd dest pê kir û bû çirûska azadiya mirovahiyê, li Rêber Apo û tevayî şehîdên doza azadiyê pîroz kirin û wiha got: “Bi salan e gelê Kurd di bin dagîrkêriye de dijî û ji ber ku serî tewandinê qebûl nake, her bûye armanca dijminê faşîst. Lê belê bi derketine tevgêra PKK re û bi teqandina fîşeka yekemîn re êdî dem bû dema gihîştina azadî û serkeftinê.”
Yekitiya Jinên Ciwan balkişand ser zêdebûna êrişên dewleta tirkî ya dagîker û wiha daxuyanî bi dawî kir got: “Di van demên dawîn de şehîdxistina rêveberên vê şoreşê zêde bûye. Wekî fermandar Jiyan, Dijwar, Rêzan, Bawer û şehîd Edîb. Ji bo vê yekê em wek Ciwanên PYD û Yekitiya Jinên Ciwan em dibêjin bi rihê 15’ê Tebaxê wê ev sal bibe sala têkbirina dagirkeriyê û gihîştina serkeftinê. Helwesta me ew e ku heyanî welatparêzek jî hebe tu carî dev ji têkoşîna xwe bernadin. Careke din em ve roja binirx li tevayî gelên welatparêz pîroz dikin.”