Leşkerên artêşa tirkî ya dagirker û çeteyên wê di hefteya borî de 11 welatî ji gund û navçeyên kantona Efrîna dagîrkirî revandin, gelek dar birîn û mal û milkê welatiyan talan kirin.
FacebookTwitterWhatsAppTelegram
Dewleta tirkî ya dagîrker û çeteyên wê sûc û binpêkirinên li dijî şêniyên resen yên li kantona Efrînê ya dagîrkirî mane didomînin, da ku wan bidin koçberkirin.
Çavkaniyên ji hundirê kantona Efrînê da zanîn ku artêşa tirkî ya dagîrker û çeteyên wê di hefteyekê de 11 welatî revandin.
Li gorî çavkaniyan, kesên ji navçeya Cindirêsê yên hatine revandin ev in; Derwîş Hesen Mihemed (31) ji gundê Nesriyê ye, Ebdumecîd Hisên Mihemed, Wehîd Ebdo Ebdo (26) ji gundê Nesriyê ye, Mihemed Newres Îsmaîl (32) ji gundê Nesriyê ye û Şêxmûs Xelîl ji gundê Kefir Sefrê ye.
Ji navçeya Şiyê jî artêşa tirkî ya dagirker û çeteyên wê 3 welatî revandin; Elî Zuhêr Hemo (24) ji Şiyê, Mehmûd Keleş, Hesen Sebrî ji gundê Hêkêçê ye.
Ji navçeya Şêrawayê jî, dagîrkeran Xelîl Îsmaîl Elî (22) û Ehmed Nebo Ehmed ên ji gundê Burc Heyderê revandin.
Artêşa tirkî û çeteyên wê li navçeya Şera jî, Ehmed Yûsif Tobal ji gundê Meiriskê revand.
Li aliyekî din jî çeteyên “Feyleq El-Şam” li welatiyê bi navê Reşîd Ebdurehman Seydo yê ji gundê Meydankê yê navçeya Şera dema xwest milkên xwe vegerîne, da.
Li navçeya Mabeta jî, serçeteyê “Mihemed Fetih” 300 darên zeytûnê yên Mihemed Îbrahîm ê ji gundê Mist Eşûra, birîn.
Her wiha çeteyên “Muetesim Bîllah” ên artêşa Tirk a dagirker bi ser mala Mihemed Şêx Îsa yê ji navçeya Şera de girt û nêzî 10 hezar dolar û gelek telefon dizîn.
Li gundê Kefer Delê yê navçeya Cindirêsê, çeteyên “Firqet Hemzat” gelek tabloyên enerjiya tavê tevî alavên wê dizîn.
Li gundê Şadiya yê navçeya Raco jî, çeteyên “Ehrar Şerqiye” nêzî hezar û 500 darên henarê yên ayîdî Hisên Ehmed Xelîl Cafer ê ji gundê Mamila qut kirin.
Her wiha çeteyên “Firqet Hemzat” bi ser mala Hebîb Berho (80) yê ji gundê Maratê yê girêdayî navenda Efrînê de, girt.
Çeteyên “Sultan Murad” nêzî 80 darên zeytûnê yên Henan Ebdurehman yê ji gundê Qurtqulaqê yê navçeya Şera birîn.
ANHA
