Navenda Nûçeyan/Qamişlo
QSD’ê derbarê êrişa dewleta Tirkî ya dagîrker ya bi balafira bêmirov li ser gundê Mele Sibat yê girêdayî bajarê Qamişloyê de daxuyaniyek da û tê de diyar kir ku du şervanên wan û welatiyek şehîd bûn.
Fermandariya Giştî ya QSD’ê bi daxuyaniyekê ragihand ku du şervanên wan û sivîlek di bombebarana dewleta Tirk ya dagîrker ya li dijî erebeyek li gundê Mele Sibat yê girêdayî Qamişloyê de şehîd bûn.
Di Daxuyanî wiha hat gotin:
”Îro derdora seet 5`ê êvaran de, dema 2 şervanên me bi makîneyek welatiyan ji vedigeriyan cihê xwe, li gundê Mele Sibat yê girêdayî bajarê Qamişlo rastî êrişa balafira bêmirov ya dagirkeriya Tirkî hatin. Di encamê de şervanên me Dijwar Kobanî û Çiya Qamişlo û welatiyê bi navê Edib Yûsif şehîd ketin.
Dewleta Tirkî ya dagirker di vê dema dawî de êrişên xwe li seranserî bakur û rojhilatê Sûriyê zêdetir kiriye. Rojane hem bi topbaranan hem jî bi balafirên bêmirov êrişan dike. Di van êrişan de ne tenê leşker, gelê me yên sivîl jî tên hedefgirtin. Emê li hember van êrişan di çarçoveya parastina rewa de bersiv bidin û tolên şehîdên xwe ji dagirkeran hilînin.”