KODAR û PJAK’ê li ser bingeha neteweya demokratîk û xwerêveberiya demokratîk projeyek pêşkêş kirin û ji bo çareserkirina pirsgirêka Kurd û pirsgirêkên Îranê bang li rêveberiya Îranê kir ku vebûneke siyasî bide destpêkirin.
Komalgeha Demokratîk û Azad a Rojhilatê Kurdistanê (KODAR) û Partiya Jiyana Azad a Kurdistanê (PJAK) ji bo demokratîkkirina Îranê projeyeke hevpar eşkere kirin.
Di projeya hevpar a KODAR û PJAK’ê de hate bibîrxistin ku KODAR sîstemeke ku peykera wê konfederalîzma demokratîk e, ruhê wê jî neteweya demokratîk e û PJAK jî partiyeke pêşeng e di nava vê sîstemê de.
Di daxuyaniyê de hate ragihandin ku ew xwedî projeyek demokratîk û aştiyane ye û hate gotin, “Li ser wî esasî şewazên pergala komara Islamî ya Îran beramberî hebûna pirsgirêkên gelan, bi taybetî pirsgirêka Kurd bes nabîne û bi şêwazek radîkal dixwaze gavên kirdarî ji aliyê komara îslamî ya Îranê ve werin avêtin.”
Di projeyê de hate destnîşankirin ku KODAR û PJAK ji Îranê vebûneke siyasî dixwaze ji bo çareserkirina pirsgirêka Kurd û Îranê û hate gotin, “Di çarçoveya neteweya demokratîk û xwerêveberiya demokratîk de projeyekê pêşkêş dike.”
Hate diyarkirin ku KODAR çareseriyeke demokratîk û bê şer dixwaze û ji bo gavên pratîkî jî 8 rehendên hiqûqî, hemwelatî, civakî, azadiya jinê, parastin, aborî, ekolojîk û dîplomatîk destnîşan kir.
Di dawiya beşa encamê ya projeyê de jî hate gotin, “Eger ew daxwazên civakê di projeya ku hatî pêşkêş kirin de ji aliyê dewleta Îranê ve bi awayekî erênî neyê bersiv dayîn, berovajî vêya serlêdanên înkar, tinekirin û rêbazên derveyî mirovahî bide, KODAR wê ji bo otorîte û rêveberiya yekalî bikeve di nava hewildan û têkoşînê de be.”
Posta çûyî