Dilîn Ehmed-Qamişlo
Şêniyên bajarê Qamişlo her du zarokên xwe Ehmed Hisên û Eheng Hisên herwiha Şemdîn Şemdîn bi merasimeke biheybet li goristana şehîdan, spartin axê.
Dewleta tirkî ya dagîrker roja Şemîyê (6/8/2022) li taxa Sînaa bi belafirê êrişî taxa Sînaa ya bajarê Qamişlo kir. Di encamê de du zarokên bi navê Ehmed û Aheng şehîd bûn. Herwiha welatiyê bi navê Şemdîn û endamê Saziya Rêxistinkirina Leşkerî, Roxaz Amûdê jî şehîd bû.
Îro bi hehhezaran welatyên bakur û rojhilatê Sûriyê berêvarê, her sê şehîdên di êrişa belafira dewleta tirkî ya dagîrker, li taxa Sînaa de, şehîd bûn, bi slogana `şehîd namirin bimire xiyanet` li goristana Ş.Delîl Saroxan spartin axê.
Merasimê bi xuleyeke bêdeng li ser giyanê şehîdan dest pê kir. Li ser navê malbatên şehîdan û endamê meclisa giştî ya Partiya Yekîtiya Demokratî Delîl Saroxan, diyar kirin ku, armanca dewleta tirkî ya dagîrker ji van êrişan, şkandina vîna gel û qutkirina gel ji fikir û felsefeya Rêberê Gelê Kurd Abdullh Ocalan e. Herwiha gotin, heta ku ruh di canê me de hebe emê li ser şopa şehîdên xwe bin.
Pişt re wesîqeyên her sê şehîdan ji aliyê malbatên şehîdan ve hatin xwendin û teslîmî malbatên wan kirin.
Bi slogana `şehîd namirin` welatiyan Ş.Ehmed Hisên. Ş.Aheng Hisên û Ş. Şemdîn Şemdîn, spartin axa pîroz.
