Çalakiyên li hemberî dewleta dagîrker li tevayiya qadan dewam dikin

Navenda Nûçeyan/Qamişlo

Yekîneya Tolhildanê ya Şehîd Bedran li dijî qereqoleke artêşa tirkî ya li Sîrê ya Başûr çalakiyek li dar xist û 2 dagîrker hatin cezakirin. Herwiha li Îzmîrê Milîsên Atakan Mahîr yên HBDH’ê  li notirvanên faşîzma AKP û MHP’ê dan.

Çalakiyên li hemberî tevgera dagîrker ya dewleta tirkî ya mêtinger, bênavber dewam dikin. Di encama van çalakiyan de dewleta tirkî li tevayiya qadan derbeyên giran dixwe û tengav dibe.

Yekîneya Tolhildanê ya Şehîd Bedran Gundikremo di 3’yê Tebaxê saet di 15.30’an de li qereqola dewleta Tirkî ya dagîrker ya li Sîrê ya Başûrê Kurdistanê da. Ev qereqol baregeha dewleta tirkî û navendeke MÎT’ê ye.

Di çalakiyê de li çeperekê hate xistin û 2 leşkerên Tirk yên dagîrker yên di çeperê de hatine kuştin.

Yekîneya Tolhildanê ya Şehîd Bedran Gundikremo li ser çalakiyê wiha ragihand: “Dewleta tirkî ya dagîrker û xayînên ku xizmeta wan dikin divê bizanin ku li her bihosta Kurdistanê dê bibin hedefa me. Wê axa Kurdistanê ya pîroz ji dagirkeran re bibe goristan.”

Milîsên HBDH’ê li Îzmîrê li notirvanan da

Herwiha li Îzmîrê Milîsên Atakan Mahîr ên HBDH’ê  li notirvanên faşîzma AKP û MHP’ê dan.

Milîsên Atakan Mahîr yên HBDH’ê bi daxuyaniyekê diyar kirin ku wan li Îzmîrê li notirvanan dane û wiha gotin: “Me li Menemena Îzmîrê li notirvanan da. Milîsên Atakan Mahîr ên HBDH’ê di 4’ê Tebaxê de bi şev li Taxa Asirlikê li notirvanên bi peyatî di dewriyeyê de bûn da. Ji ber lêdana çekdarî ya milîsên me notirvan ketin nav panîkê. Notirvanek kete erdê û yên din jî reviyan. Wesayîtên polîsan û ambûlans hatin qadê û milîsên me piştî çalakiyê bi selametî ji qadê derketin.”