Navenda Nûçeyan
Li Bexdayê Konferansa Jinên Iraqê ya Navnetewî ya derbarê Qirkirina Jinên
Êzîdî de hat lidarxistin.
Ji bo Fermana Êzîdiyan, jinên Iraqê bi hevkariya Tevgera Jinên Êzîdî (TAJÊ) li Bexdayê konferansek li dar xistin.
Konferansa ku ji aliyê jinên Iraqê ve hat organîzekirin, roja 30’ê Tirmehê li bajarê Bexdayê saet 09:00’an li Otêla Baxda bi dirûşma ‘Bi vîna azad ya jinan em li hemberî jenosîda Şingalê tê dikoşin’ hat lidarxisitn.
Di konferansê de rewşa jinên Êzîdî hat nîqaşkirin
Ji Iraq, cîhan û Rojhilata Navî gelek jinên aktivîst tevlî konferansê bûn.
Tê payîn ku encama konferansê û biryarên bên girtin bi daxwuyaniyekê werin eşkerekirin.
Hêjayî gotinêye, fermana 3.8.2014’an ya ji aliyê çeteyên DAIŞ’ê ve hatî kirin, herî zêde jinên Êzîdî bûn qurban û heta roja îro bi hezaran jinên Êzîdî çarenûsa wan ne diyar e. Bin navê gelek sazi û rêxistinên cuda tê idîakirin ku ji bo rizgarkirina jinên Êzîdî kar tê kirin, lê heta niha saziya Tevgera Jinên Êzîdî (TAJÊ) tene karên pir mezin ji bo jinên Êzîdî kirine; bi hezaran jinên Êzîdî rizgar kirine û radestî malbatên wan kirine.
