Navenda Nûçeyan
Gerîlayên Azadiya Kurdistanê ji bo tolhildana komkujiya ku dewleta Tirk a dagirker li Zaxo pêk anîbû çalakî li dar xistin. Di çalakiyan de 4 dagirker hatin cezakirin, 2 çeper, dronek û kamerayek mobesse hatin rûxandin, wesayîtek zirxî jî hate derbkirin.
Dewleta tirkî ya dagîrker di 20’ê Tîrmehê de li gundê Perex ya Zaxoyê geştiyarên Iraqî bombebaran kiribû. Di bombebaranê de tevlî pitikekî yek salî 9 kesan jiyana xwe ji dest dan û 23 kes jî birîndar bûbûn.
Li bajarên Iraq, Kurdistan û Tirkiyeyê li hember komkujiya dewleta tirkî bertekên gel çêbûn û hat şemzarkirin, herwiha çalekiyên li dijî vê komkujiyê didomin. Lê PDK’ê bi tevahiya rêbazan hewl dide ku sûcên komkujiya li Zaxo li ser Tirkiyê rake, ji bo wê Mesrûr Berzanî serdana Bexdad kir û bi rayedarên Iraqî hevdîtin pêk anîn. Lê belê li hember vê komkujiyê HPG’ê carekê din ispatkir ku ew hêza parastina gelan e û li dijî her cûre dagirkerî û qirkirinê xwedî helwest e.
Ji bo rakirina tola welatiyên ku di komkujiya Zaxo de canê xewe ji dest dan, Hêzên Parastina Gel (HPG)’ê çalakiyek li dijî dagîrkeriya tirkî pêk anîn.
Navenda Ragihandin û Çapemeniyê ya HPG’ê çalakî wiha ragihand: “Gerîlayê Azadiya Kurdistanê, têkoşîna xwe ya destanî ya ku bûye hêviya hemû gelên bindest didomîne. Hêzên me yên gerîla li ser navê biratiya gelan ji bo tolhildana 9 mirovên bêguneh ên li Zaxo ji aliyê dewleta Tirk a qirker ve hatin qetilkirin, rêze çalakî lidar xistin. Di encama van çalakiyên tîmên me yên bi tevger de; Herî kêm 4 dagirker hatin cezakirin, dagirkerek birîndar bû, 2 çeper, 1 dron û 1 pergalek a kameraya mobesse hatin rûxandin û wesayîtek zirxî hate derbkirin.
Tawanbarê şer artêşa Tirk ku nikare berxwedana hêzên me bişkîne, 5 caran bi çekên kîmyewî û teqemeniyan, 11 caran bi balafirên şer, 33 caran bi helîkopterên êrîşê, bi dehan caran jî çekên giran, obus û hawanan çeperên şer ên li Qadên Berxwedanê, bombe kirin. Artêşa Tirk a ku bi her cure teknîka şer û çekên qedexekirî yên kîmyewî êrîşî hevalên me yên li çeper û tunelan kir, ti encam negirt û vê carê jî bi wesayîtên zirxî û kepçeyan êrîşî çeperên berxwedanê kir. Lê artêşa Tirk a dagirker çi teknîkê bikar bîne jî, wê ti carî nikaribe ruh û îradeya fedayî ya Apoyî bişkîne.”
