Navenda Nûçeyan/Qamişlo
Bi beşdariya bi hezaran ji welatiyan li stada Şehîdên 12`ê Adarê û bi şahiyekê Salvegera 10. Ya Şoreşa Rojave hat pîrozkirin
Îro (19 Tîrmeha 2022) saet 5`an li stada Şehîdên 12`ê Adarê ya bajarê Qamişlo salevgera 10. Ya Şoreşa Rojava ya ku 19`ê Tîrmehê dest pê kirbû, hat pîrozkirin.
Di şahiya pîrozkirina şoreşê de bi hezaran ji Kurd, Ereb û Sûryanên herêmên, herwisa nûneryên partiyên siaysî û Rêveberiya Xweser ya Bakur û Rojhilatê Sûriyê bi cilên xwe yên gerlêrî amade bûn.
Herwisa her yek ji Mihemed Colî li ser navê Meclisa Malbatên Şehîdan, welîda Botî li ser navê Gongeriya Star, Semer Ebduleh Hevseroka Mecilsa Kantona Qamişlo, Nezîra Goriyê li ser navê Rêveberiya Xweser û Aldar Xelîl li ser navê Partiya Yekîtiya Demokartîk (PYD) axivîn û şoreşa Rojava li gelên bakur û rojhilatê Sûriyê pîroz kirin.
Di axaftinan de herwisa giyanê şehîdan, berxwedana şervanên azadiyê û hêzên QSD û berxwedana Gelên herêmê ya di bin sîwana Neteweya Demokratîk de silav û pîroz kirin. Herwiha ji bo Parastina Nirxên Şoreşê, rizgarkirina herêmên dagîkirin û avakirina Sûriyeke demokartî û nemnavendî soza têkoşînê nûkirin.
Di şahiyê de jî stiranên şoreşgerî û gelêrî ji aliyê komên Şandê ku bi her du zimanê kurdî û erebî hatin gotin û govend hatin gerandin.
Şahî bi Dûrişên Berxwedan Jiyane, Bijî Şoreşa Rojava qediya.