Navenda Nûçeyan/Qamişlo
Ji partiyên muxalefeta Elmanyayê Alternatîf ji bo Elmanyayê (AfD) ya rastgir-populîst bi sernavê “Aştî û azadiyê biparêzin – Dagirkeriya Tirkiyeyê ya li Bakurê Iraqê û Bakurê Sûriyeyê şermezar bikin” serlêdana Meclîsa Federal kir.
AFD’ê li dijî dagirkeriya dewleta tirk ya faşîst û erêkirina dagîrkeriyê ya NATO serlêdana Meclisa Federal kir. Di serlêdanê de bibîrxistin ku, dewleta Tirk di 18’ê Nîsana 2022’an de bi çekên giran, balafirên şer û helîkopteran hewl dide Başûrê Kurdistanê dagir bike û wiha domand:
“Ne hikumeta Iraqê Tirkiye vexwend xaka xwe, ne jî êrîşek li ser Tirkiyeyê heye ku xala 51’emîn a Neteweyên Yekbûyî ya li ser mafê ‘parastina rewa’ dide pêş. Bêguman ev ne êrîşa destpêkê ya Tirkiyeyê ye ku bi binpêkirina peymanên navneteweyî re êrîşa dagirkeriyê dibe ser herêma Kurdan a li bakurê Iraqê.”
AfD’ê diyar kir ku di salên 2018 û 2019’an de dewleta Tirk kete nava xaka Bakur û Rojhilatê Sûriyeyê û herwiha bibîr anî ku ev dagirkerî ji aliylê Daîreya Xizmetên Zanistî ya Meclîsa Federal ve bi rengekî eşkere weke ‘binpêkirina hiqûqa navneteweyî’ hatiye pênasekirin.
‘Êriş û gefên tirkî ewlehiya Rojhilata Navîn dixe xeteriyê de’
AfD’ê bal kişand ser gefên nû yên Serokkomarê Tirk Tayyîp Erdogan ên li dijî xaka bakur û rojhilatê Sûrî û da zanîn ku heya niha pir caran dagirkeriya tirk ya li ser xaka Sûrî pir cara bûye rojeva Neteweyên Yekbûyî û Yekîtiya EWrûpayê, lê ti carî bi bîryarekê şênber
AfD’ê destnîşan kir ku dagirkeriya Tirkiyeyê ya li Sûriyeyê gelek caran ketiye rojeva Neteweyên Yekbûyî û Yekîtiya Ewropayê, lê belê ti biryareke şênber a pêkanînan nehatiye wergirtin. Herwiha teqez kir ku ev politikaya êrişên dagîrkeriyê yên Tirkiyê li dijî evlehiya Rojhilata Navîn in.
AfD ragihand ku raya giştî û çapemeniya Elman jî, li hemberî êrişên Tirkiyeyê yên li ser Kurdistanê, xwe bêdeng dikin û ji bo dawî li dagirkeriyê bê anîn ji Meclîsa Federal xwest ku zextê li Hikumeta Federal a bi serokwezîrtiya Olof Scholz bike.
‘Divê pêkanîn bê ferzkirin’
Di serlêdana Koma AfD’ê ya li Meclîsa Federal de bi van du xalan daxwaz hate kirin:
“1- Êrîşên Tirkiyeyê yên li ser bakurê Iraqê divê bi rengê herî tund bên şermezarkirin, ku ev êrîş bi binpêkirina hiqûqa navneteweyî têne kirin.
2- Li hemberî kesên ku biryara êrîşê dane û piştgiriya êrîşê dike, divê bi hevkarên Ewropî re biryara pêkanînê bê dayin.”
Ev serlêdana AfD’ê tê payin ku sibe bigihêje Komîsyona Têkiliyên Derve ya Meclîsa Federal û beriya betlaneya havînê di rûniştineke parlamentê de bê nîqaşkirin.
