Navenda Nûçeyan/Qamişlo
Ji aliyê Tevgera Hîlala Zêrîn û bi kordîneya kompaniya Nûjiyan ya Hilberandinê, belgefîlma Nûjiyan piştî bajarê Hesekê, wê li Qamişlo seat 5’an were pêşandan. Belgefîlîm êş, zehmetî, xweşî û êrişa qirkirinê ya ku gelê Êzîdî rastî hatî, tîne ziman.
Îro saet 5’an de, li navenda çand û hunerê ya Mihemed Şêxo ya bajarê Qamişlo, wê Belgefîlama şehîd Nûjiyan Erhan bê pêşandan.
Derhînerê Belgefîlîma Şehît Nûjiyan Jînda Asmen e, Pevxistinê wê Zinarîn Zinar û Jînda Asmen e, lîstokvan jî Ferîde Zade ye.
Belgefîlîm li ser têkoşer û rojnamevan Nûjiyan Erhan hatiye çêkirin.
Nûjiyan Erhan di 3’yê Adara 2017’an de li Xanesora Şengalê di encama êrişên çeteyên “Pêşmergeyên Roj” de di kêliyên şopandina êrişê de giranî birîndar dibe û piştî 19’ê rojan ango 22’yê Adarê de li nexweşxaneya bajarê Hesekê yê bakur û rojhilatê Sûriyê şehîd dikeve. Belgefîlm bi çavên Nûjiyan êş, zehmetî, xweşî û êrişên qirkirina ku gelê Êzîdî rastî hatine, tîne ziman. Her wiha Ev Belgefîlîm jinên, azadixwaz, tekoşer û şoreşger temsîl dike.
Ji ber ku Nûjiyan Erhan li Xanesora Şengalê birîndar dibe û piştre ji ber birînên xwe yên giran şehîd dibe, belgefîlm yekem car 28’ê Gulanê li bajarokê Xanesor ê yê Şengalê hat nîşandan. Her wiha di 29’ê Gulanê de li navenda Şengalê hat nîşandan. Piştî Şengalê, belgefîlm cara yekê 17’ê Hezîranê li bajarê Hesekê hat pêşandan û bi sedan şênî, nûnerên rêxistinên jinan û ciwanan, nûnerên Rêveberiya Xweser ya bakur û rojhilatê Sûriyê, saziyên civaka sivîl, Yekitiya Rewşenbîran, partî û gelê bakur û rojhilatê Sûriyê tevlî pêşandana Belgefîlîma Nûjiyan Erhan bûn. Herwiha îro seat 5’an de belgefilîma Nûjiyan Erhan li navenda çand û hûnera Mihemed Şêxo li Qamişlo wê bê pêşandan.
