Navenda Nûçeyan
QSD’ê li gundewarê başûrê Hesekê operasyoneke ewlekariyê pêk anî. Di encamê de serçeteyekî ji şaneyên çeteyên DAIŞ’ê ku li çete û malbatên wan pere belav dikirin, hat kuştin.
FacebookTwitterWhatsAppTelegram
Derheqê operasyona Hêzên Sûriyeya Demokratîk (QSD) li dijî serçeteyên DAIŞê , QSDê li ser malpera xwe ya fermî got, “Li dijî serçeteyên rêxistina DAIŞ’ê li gundê Etale yê Şedadê yê başûrê Hesekê me operasyoneke ewlekariyê pêk anî. Çeteyekî li şaneyên rêxistinê û malbatên wan belav dikirin. Propogandaya peyamên rêxistinê dikir, tev li planên êrişan ên li dijî saziyên xizmetguzarî, leşkerî û ewleyî dibû.”
Li gorî malperê ev yek hate gotin,”Hêzên me yên serdegirtinê dan pey hedefa xwe. Lê ew ji mal reviya. Hêzên me bang lê kir ku tesmîl bibe. Lê wî gule avêtin, bi wê re hêzên QSD’ê û Koalîsyona Navneteweyî ketin nava tevgerê. Piştî avêtina guleyan sekinî û dever hate keşfkirin, diyar bû hate kuştin. Çeka di destê wî de hate desteserkirin, her wiha belgeyên wî jî hatin desteserkirin.”
QSD’ê li ser malpera xwe got, “Yekîneyên me yên taybet li dijî terorê têkilî bi hêzên ewleyî û Koalîsyona Navneteweyî re danîne ku li dijî çalakiyên terorê û şaneyên rêxistina DAIŞ’ê ya terorîst bisekinin, da ku ewleyî û îstîqrara herêmê were misogerkirin.”