Li gundê Girsor Fakûlteya Ewlekariya Hundir Ya Jinê hat vekirin 

Navenda Nûçeyan/Qamişlo

Îro saet 9`an li gundê Girsor yê girdayî bajarê Qamişlo Fermandariya Giştî Ya Hêzên Ewlekariya Hundir Ya Jinên bakur û rojhilatê Sûriyê, Fakûlteya Ewlekariya Hundir ya Asayişa Jinan (refa zabîte) li Akademiya Şehîd Hîra Wan (Rûken Botan) vekir.

Vekirina fakûlteyê bi deqeyeke rêzgirtina li ser giyanê şehîdan hat destpêkirin. Pişt re Hevseroka Desteya Hundir ya bakur û rokhilatê Sûriyê Heyfa Hesen vekirina fakûlteyê di serî de Rêber Abdullah Ocalan, li tevayiya malbatên şehîdan û kesên hazir pîroz kir û li ser mijarê axivî.

Heyfa Hesen diyar kir ku wê 31 hevalên jin yên Asayişa bakur û rojhilatê Sûriyê tevlî perwrdeyê bibin û wiha dirêjî da axaftinaa xwe: “Wek Hêzên Ewlekariya Hundir deh sal in em têkoşînê dikin heta ku gihîştin vê astê. Jixwe di ewlekariyê de barê herî giran li ser milê hevalên jin e. Ji bo wê jî wek jin heta ku em bikarin emê têbikoşin û xwe pêş bixin. Ev perwerde hem ji aliyê fikrî hem leşkerî ve pir girîng e û wê ji her alî ve dagirtî be. Wê perwerde sê heyvan dewam bike.”

Hevseroka Desteya Hundir ya bakur û rokhilatê Sûriyê Heyfa Hesen di dawiya axaftina xwe de wiha got: “Em bi hêvî ne tevayiya hevalên tevlî perwerdeyê bibin sûdê baş jê bigrin û vê perwerdê ji xwe re bingehekî pîroz bibînin, herwiha di aliyê fikir û zanebûnê de xwe pirtir pêş bixin.”