HPG’ê nasnameyên 2 gerîlayên li Zapê şehîd bûyîn eşkere kirin û got, “Sekin, têkoşîn, şerkerî, wêrekî û fedayîtiya her du hevriyên me wê timî rê nîşanî me hevriyên xwe bide û bibe egere me ya ji bo tolhildan û serketinê.”
Daxuyaniya Navenda Ragihandin û Çapemeniyê ya HPG’ê wiha ye:
“Gelê Kurdistanê bi Şerê Gel ê Şoreşgerî gav bi gav ber bi serketinê ve dimeşe. Dewleta Tirk a qirker mêtinger, ku dixwaze pêşî li serketina têkoşîna me bigire, hewl dide Kurdistanê ji nû ve dagir bike, dest bi sefera dagirkeriyê kiriye. Êrişa herî dawî ya dijmin a ji bo dagirkirinê ku 14’ê Nîsanê destpê kir, bersiva herî mezin ji jinên azad û leheng ên Kurdistanê yên bi nasnameya YJA Starê wergirt. Hostatiya li ser taktîkê, wêrekiya mezin, dilsoziya bi nirxên pîroz re û baweriya bi serketinê ya YJA Starê, di şexsê hevrêyên me yên li Zapê de careke din şênber bûn. Fermandar û milîtanên bijarte yên YJA Starê hevrêyên me Viyan û Eylem ku xwedî sekna lehengiyê bûn, pêşengî ji tîmên gerîla yê bi tevger re dikirin, derbên giran li dijmin dixistin û rê nedan dijmin, şehîd ketin. Sekn, têkoşîn, şerkerî, wêrekî û fedaîtiya herdu hevrêyên me wê timî rê nîşanî me hevrêyên xwe bide û bibe hinceta me ya ji bo tolhildan û serketinê.
Agahiyên li ser nasnameyên hevriyên me yên şehîd bûne wiha ne:
| Nasnav: Viyan Botan Nav paşnav: Sevîm Dayar Cihê jidayikbûnê: Şirnex Dayik-Bav: Kanîa-Mûstafa Dem û cihê şehadetê: Nîsana 2022 / Zap |
| Nasnav: Eylem Ronî Nav paşnav: Dilvîn Ato Cihê jidayikbûnê: Kobanê Dayik-Bav: Necla-Îbrahîm Dem û cihê şehadetê: Nîsana 2022 / Zap |
ANF
