Navenda Nûçeyan
Dayîkên girtiyan ku xwestin li ber `Edliya` Bakirkoy ya Stenbolê çalakiyê bikin, ji aliyê polîsên Tirk ve hatin lêxistin.
Malbatên ku li Stenbolê ji bo balê bikişînin ser rewşa girtiyên nexweş û girtiyên înfaza wan hatî şewitandin despê çalekiya edeletê kirin û xwestin li ber Edliyeya Bakirkoyê daxuyanî bidin, rastî mûdaxeleya polîsên AKP/MHP’ê hatin.
Çalakiya ku Parlamenterên HDP’ê Alî Kenanoglû û Zeynel Ozen jî piştgirî danê ji aliyê polîsan ve hatin dorpêçkirin. Dayikan bertek nîşanî vê rewşê dan û gotin: “Em dayik in, zarokên me dimirin.” Dayik di çalekiyê de rastî êrîşên polîsan hatin û hatin binçavkirin. Herwiha gelek kesên ku xwestin piştevaniya çalakiyê bikin jî bi darbkirinê ji qadê hatin derxistin û derfet ne hat dayîn ku çalekî pêk bê.
