Navenda Nûçeya/Qamişlo
TEV-ÇAND, Hîlala Zêrîn û Desteya Çandê bi daxuyaniyekê, cejna newrozê li gelên herêma bakur û rojhilatê Surî pîroz kirin û agirê newrozê pê xistin.
Îro Saet 12`an li Navenda Çand û Hunerê ya Mihemed Şêxo ya bajarê Qamişlo, TEV-ÇAND Mezopotamiya, Hîlala Zêrîn û Desteya Çandê, daxuyniyek dan û di daxuyanîyê de newroz li gelên bakur û rojhilatê Sûriyê pîroz kirin û agirê Newrozê pêxistin.
Daxuaynî wiha bû:
Ji bo gelên bakur û rojhilatê Sûriyê…
Newroz stêrkeke geş di ezmanê tevayiya heyvan de ye. Rûpeleke spî di dîroka taritiyê de ye. Berbang û nûroj e, ji Kawayê Hesinkar ve heta Mezlûman, ji Mezlûman ve heta cangoriyên pêngava Gurzê Gelan, agirê Newrozê li hemberî taritiya faşîstan wê her tim geş be. Newroz wê her tim riya gelan ronî bike û wê venemire. Gelên ku bi hezarsalan e li ser erda xwe dijî û axa Mezopotamiya ya ku maka hemû destpêkan e, îro di bin nîrê dagîrkeriyê de ye. Gelên bi sedsalan e ku di komkujiyan derbas dibin, di serdeme wiha de û bi taybetî ku gelê Kurd ber bi tinebûnê ve diçû û ti nîşaneya hêviya jiyanê jê re nema bû, êdî pêwîstî bi newrozeke nû hebû. Newroz jî kulîlkên ku tavê dibînin, vejîna rengûrengiya jiyanê be. Helwesta jiyanê ya tevgera azadiyê jî wisa ye. Bi bîr û baweriyên Rêber Apo, ev tevger ji xweliya hestiyên zarokên kurdistanê şîn bû û bi agirê Newrozan hat şûştin. Li hemberî aşbetalan jî, çerxa wêrekiyê gerand. Lewera Tevgera Azadiyê, tevgera Newrozê ye.
Di vê Newroza pêncî salên bûyîna Rêbertî de, dem dema azadiya Rêber Apo ya fîzîkî û Kurdistanê ye. Bi Şerê Gelê Şoerşgerî di bin sîwana Modernîteya Demokartîk de teqez Dehakên serdemê û sîstema wan ya sermeydar wê hilweşe û têk biçe.
Em wek TEV-CAND Meopotamiya, Hîlala Zêrîn û Desteya Çandê, ev demeke amedekariyê Newrozê dikin. Li Dêrik, Çilaxa, Tirbespiyê, Qamişlo, Amûdê, Dirbêsiyê, Til Temir, Hesekê, Herêmên rizgarkirî yên Dêrazorê, Tepqa û Reqa, Minbic, Heleb, Kobanê, Şehba û Şamê û her derê wê veguhere qadên Newrozê. Her çiqasî hewldanên me ji bo beşdarkirina hunermendên ji Ewropa û Başûr hebûn, lê ji ber astengiyên her tim yên PDK`ê yên li hemberê rojavayê Kurdistanê û bakur û rojhilatê Sûriyê ev yek pêk nehat.
Ji ber wê, wê komên me yên şoreşger û hunermedên Rojava bi coşeke mezin beşdarî pîrozbayiya Newrozê bibin. Herikandina gel ber bi qadên Newrozê, herikandina gel ber bi qadên berxwedan û serhildanê jî misogerkirina azadiyê ye.
Ji niha û şûn ve her roj Newroz e.
TEV-ÇAND Mezopotamiya
Hîlala Zêrîn
Desteya Çandê
17/3/2022
