Navenda Nûçeyan/Qamişlo
Bi pêmana Cejna Jinên Cîhanê(8`ê Adarê), jinên bajarê Qamişlo pêşbirkeke biskilêtan li dar xistin.
Bi dûrişma `Bi Hev Re Emê Şoreşa Xwe Biparêzin Û Erdê Xwe Rizgar Bikin`, îro saet 11’an bi pêmana Cejna Jinên Cîhanê, Buroya jinê ya Şaredariya Gel ya Bajarê Qamişlo pêşbirka biskilêtan ji bo jinan li dar xist. Armanc û peyama vê çalakiyê, teqezkirin û balkişandana ser mafên jinê û şkandina hişmendiya civakî ya ku ‘ajotina biskilêtê tenê ji aliyê mêran ve dibe’ye.
Pêşbirk bi beşdariya 18 jinan ji çarxrêya Meşte EL-Nûr ya Rojhilatê bajêr dest pê kir û heta Sûka Berhêmên Jinê dewam kir.
`Em vê çalekiya xwe diyarî jinên têkoşer dikin`
Rojîn Hesen ku pileya yekê di pêşberkê de bi dest xist, ji rojnameya me re axivî û hastên xwe wiha anîn ziman: “Em destpêkê, şehîdên xwe bi rêzdarî bi bîr tînin û silavên xwe ji malbatên şehîdan û tevayiya jinên berxwedêr û têkoşer re dişînin. Herwiha serkeftina vê çalakiyê pîrozî xebata wan dikin. Em wek jin bi serbilindî û bi moraleke xurt beşdarî vê çalakiyê bûn. Me bi vê pêşberkê, peyama xwe da civakê, ku hêza jinê di nava civakê de hêza herî biwate û bingehîn e. Jixwe bi vê pêşbirkê hişmendiya ku biskilêt ji bo mêran tenê ye, me şkand. Herwisa me teqez kir ku hertim şoreşa Rojava bi rengê jinê wê xemilê bimîne.”
Çalakî li Sûka berhêmên Jinê bi dawî bû û Rojîn Hesen ku di pêşberkê de ya pileya yekê, Nûşên Isamîl ya duduyan û Emel Ratib ya sisiyan hatin xelatkirin û çalakî bi dîlan û dûrişmên `Jin, Jiayn Azadî` qediya.
.
Paş 1 ji 4 Pêş
