Darîn Silê/Qamişlo
Ji bo şermezarkirina komploya Navneteweyî ya li ser Rêberê Gelê Kurd Abdullah Ocelan, Îro saet 12`an bi hezaran şêniyên bajarê Qamişlo û gundewarên wê, bi durişma `Bi Têkoşîna Gelê Şoreşgerî Emê Komploya 15`ê Sibatê Têk Bibin` meşek li darxistin.
Di meşê de endamên meclisa Qamişlo, Partiya Yekîtiya Demokratîk (PYD), Kongireya Star, nunerên Rêveberiya Xweser, Saziya Malbatê Şehîdan, tevayiya Saziyên Sivîl û Civakî û HêZên Ewlekariya Hundirîn amade bûn.
Meş ji çerxereya Osman Sebrî dest pê kir û heta ber deriyê Rêxistina Netewên Yekbûyîn dewam kir. Piştre cîgerê Hevserokê Meclica Pêkanînê ya Rêveberiya Xweser ya bakur û rojhilatê Sûriyê Bedran Çiya Kurd û Endama Kongireya Star Delal Hesen axivîn
Bedran Çiya Kurd Komploya Neteweyî ya li ser rêberê Gelan Abdullah Ocalan şermezar kir û wiha got: “Em têkoşîn û berxwedaniya we ya li dijî komployê û Rêberê berxwedana serdemê li Îmraliyê Silav dikin. Em tevayiya hêzên komploger û kesên ku di nav de cih girtin nalet û şermezar dikin. Hêzên komploger xwestin bi vê komployê roja me tarî û hebûna gelê kurd ji holê rakin, li dijî wê têkoşîna gelê kurd dest pê kir. Armanca wan ya sereke ew bû ku şerekî mezin di nava gelan de pêk bînin û têkoşîna azadiyê vala derxînin. Lê berxwedaniya Rêber Apo vê komployê vala derxis û gelekî bi hêz ava kir.”
Cîgerê Hevserokê Meclica Pêkanînê ya Rêveberiya Xweser ya bakur û rojhilatê Sûriyê Bedran Çiya Kurd di dawiyê de got wê têkoşîn û berxwedana me dewam bike heta ku em Rêber Apo di nav xwe de azad bibînin. Çimkî Rêber Apo azad nebe aştî û aramî di nav me de çênabe.
Endama Kongireya Star Delal Hesen jî wiha axivî: “Ji ber ku dewlata Tirkî ya dagîrger û dewletên navneteweyî yên pê re alîkar ji fikir û felsefeya Rêbertî ditirsiyan di 15`ê Sibata 1999`an komplo li ser wî pêk anîn. Di fikrê wan de wisa bû ku wê girtina rêbertî fikir û têkoşîna azadiyê pêk bibe. Lê rêbertî bi fikir û felsefeya xwe herwiha bi têkoşîna xwe başroroja me ronî kir.”