Hevseroka PENa Kurd, Eslîxan Yildirim, ji bo zarokên ku wê dersa Kurdî li dibistanan li bakurê Kurdistanê û Tirkiyê hilbijêrin, pirtûkên Kurdî şandin.
Hevseroka PENa Kurd û di heman demê de xwediya Weşanxaneya Azad, Eslîxan Yildirim ji bo zarokên ku wê dersa bijarte ya Kurdî hilbijêrin û ji bo mamosteyan pirtûkên bi navê Fêrbûna Kurdî, Herdemciwanê û Hezar û Yek Şev şandin Amedê, Batmanê û Mêrdînê.
Fêrbûna Kurdî-Pêngava Yekem ji aliyê nivîskarê 21 pirtûkên hîndekariyê Hesen Huseyin Deniz ve hatiye nivîsandin û amadekirin. Ev kitêb ji bo perwerdeya kesên ku nû dest bi xwendina Kurdî-Kurmancî dikin hatiye amadekirin. Herdu kitêbê din, Herdemciwanê (Eslîxan Yildirim) û Hezar û Yek Şev (Wergera ji Erebî-Menaf Osman) çîrokên gelerî ne. Mamosteyên Kurdî wek materyalên alîkar dikarin wan bi kar bînin. Ev pirtûk wê li hinek sazî û zarokan bên belavkirin.
Ji ber ku kitêb wê têra her kesî nekin, di heman demê de Weşanxaneya Azad li ser malpera xwe, tevî hin pirtûkên din, ev pirtûk jî wek PDF weşandin. Kesên dixwazin dikarin ji ser malpera https://wesanxaneyaazad.net/ xwe bigihînin wan.
Ozgûr Polîtîka
