Kampanya ji bo PKK´ê bi pêşengiya hezar rewşenbîr, akademîsyen, siyasetvan, zanyar, hunermend û aktîvîstên sosyalîst hatibû destpêkirin, dewam dike.
Şanogerên navçeya Çemçemal a ser Silêmaniyê, piştgirî dan kampanya ji bo derxistina PKK’ê ji ‘lîsteya terorê’ û gotin, li Rojhilata Navî PKK yenake partî ye ku piştî girtina rêberê wê, rêbaza wî weke dibistanekê dewam dike û rola PKK’ê ya li heremê jî bilind dinirxînin.
Kampanya ji bo PKK´ê bi pêşengiya hezar rewşenbîr, akademîsyen, siyasetvan, zanyar, hunermend û aktîvîstên sosyalîst hatibû destpêkirin, dewam dike. Heman kampanya roja 29’ê Çile bi tevlibûna gelek rewşenbîr, kesayet, pêşmergeyên dêrin û siyasetvanan li seranserê Başûrê Kurdistanê jî dest pê kir. Ev kampanya li tevahiya bajar û navçeyên Başûrê Kurdistanê wê belav bibe.
Şanoger Helwêst Nerîman diyar kir ku derxistina PKK’ê ji ‘lîsteya terorê’ girîng e û got, “PKK’ê li her çar parçeyên Kurdistanê xema neteweyekê hilgirtiye. Xema berîk û wezîfeyan hilnegirtiye. Lewma divê PKK ji ‘lîsteya terorê’ were derxistin. Rêber Apo yekane rêber e ku di girtîgehê de be û rêbaza wî dîsa jî dewam dike.”
Rêbaza Ocalan dibistanek e
Şanoger Helwêst Nerîman got, divê li Rojhilata Navîn rêbaza Rêber Ocalan weke dibistanekê were temaşekirin: “Divê em jî weke hunermend bi rêya sînema û şanoyê neteweya Kurd mezintir nîşan bidin. Li gel bîr û felsefeya Ocalan a li ser aştiyê, nîşanî cîhanê bikin. Îsbat bikin ku cihê wî negirtîgeh e. Divê vî rêberî navendek mezin a lêkonîna li ser aştiya Rojhilata Navîn hebe û tez û fikrên wî pêk bîne.”
Şanoger Mihemed Salih jî got, “Kampanya komkirina îmzeyan a ji bo derxistina PKK’ê ji ‘lîsteya terorê’ bi taybetî girîng e. Bêyî cudahiya îdeolojî û bîrûrayê, divê li her çar parçeyên Kurdistanê helwêsta me hebe. Nabe rêberekî mezin ê weke Abdullah Ocalan di girtîgehê de be. Niha divê ji her demê zêdetir em yekdeng û yekhelwêst bin da ku em mafên xwe bi dest bixin û bibin dewleteke serbixwe.”
ROJNEW
