Akademiya Ma Musîcê, di çarçoveya şahiyên Rojên Ma Muzîkê de Mîrê Bilûrê Egîdê Cimo, bi klamên bi meyan bîr anî.
Akademiya Ma Musîcê starta şahiya 4. ya “Rojên Ma Muzîkê” ku diyariyê mîrê bilûrê Egîdê Cimo kirin li avahiya xwe ya li navçeya Peyasa Amedê da. Heskiriyên Cimo, hunermendên ciwan û gelek kes tevlî şahiyê bûn.
‘Emê Egîdê Cimo bidin jiyandin’
Yek ji perwerdekarên Ma Musîcê Mesûd Gever yê di şahiyê de axivî, çîroka jiyana Egîdê Cimo vegot û qala mîrateya ji muzîka Kurdî re hiştî kir. Gever diyar kir ku Egîdê Cimo bi bilûra ji qamîşê ji qamirgehê veqetandî çêkirî dest bi muzîkê kir û wiha got: “Em jiyana Egîdê Cimo ku bi koçberiyê derbas bû di dengê meyê de hîs dikin. Em wî bi rêzdarî bi bîr tînin. Em soz didin ku, weke Akademiya Ma Musîc û şagirtên Egîdê Cimo, em ê muzîka Kurdî pêşdetir bibin û Wî bidin jiyandin.”
Di şahiyê de bi klaman bi meyan stranên Egîdê Cimo ku giyan danê yên Karapetê Xaço yên Lawikê Mêtînê, Berîvanê, Girê Sîra û stranên Radyoya Êrîvanê hatin strandin. Beşdarvanan demekî dirêj lîlandin û ji bo hunermendan li çepikan xistin. Rojên Ma Musîcê wê heta 9’ê Sibatê bi çalakiyên cuda berdewam bike.
ANF
