Balafirên şer ên dewleta Tirk a dagirker hemwext Mexmur, Şengal, Eyn Îsa, gundê girêdayî bajarê Dêrikê Teqil Beqil û Şehba bombebaran dikin. Li Mexmûr jî birîndar hene û hin ji wan birînên wan pir giran in.
Li gorî agahiyên hatine girtin, hemwext li gel bombebarana li ser Wargeha Penaberan a Şehîd Rustem Cûdî (Mexmûr) Şengal, gundê Dêrikê Teqil Beqil û Şehba jî hat bombebaran kirin. Herwiha li gor agahiyên Hevseroka Meclisa gel ya Mexmûr Fîlîz Budak dayîn Stêrk tv bîrîndar hene û rewşa hineka girane. Heman demê da zanîn ku nava wargehê û derdorê wê bi caran hatiye bombebarankirin.
Herwiha li gor agahiyên hatîn girtin balafirên şer yên dewleta tirk a dagîrker bi dehan cîhên çiyayê şengalê bombebaran kir. Di derheqê zerara dayî agahiyên zelal ne hatin girtin. Balafirên keşfê li ser herêmê digerin.
Li dijî van êrişên hov yên dewleta tirk a faşîst ku wek dixwaze tola têkçûyîna DAIŞ’ê ya li Hesekê veke, gelê kurd yên dewletên Rojhilat dakeftin kolanan.
Hêjayî gotinê ye ku, li gor agahiyên hatîn dayîn, li Amedê liv û tevgereke zêde ya balafirên şer heye. Gelek balafir li ser hev du ji Fermandariya Binkeya Jetê ya Hewayê ya 8’an rabûn.