Navenda Nûçeyan
Desteya Hundirîn a Bakur û Rojhilatê Sûriyê bi ragihand ku qedexeya giştî ya li Hesekê bi dawî bû û ya beşî hate vê berdewam bike ragihand.
Desteya Hundirîn a Bakur û Rojhilatê Sûriyê bi daxuyaniyekê ragihand ku qedexeye giştî ya li ser Hesekê hat bi dawî kirin û wê ev bi ya beşî berdewam bike.
Daxuyanî wiha ye:
“Rewşên awarte ku herêmên me tê re derbas dibin, bi taybet Hesekê ku şaneyên çeteyên DAIŞ’ê bi rêya êrişa li dijî girtîgeha Hesekê, ewlehî û îstîqrata bajar û bajarokên Bakur û Rojhilatê Sûriyê hedef girtin da ku ji nû ve xwe komî ser hev bikin, gefan li herêmên me û tevahî cîhanê dixwin. Careke din hêzên me yên leşkerî û ewlehî bi fedekariya şehîdan, xwe îsbat kir ku ew hêz li hember tevahî şêweyên terorê pispor in û jiyana sivîlan li hember gefên li dijî wan parastin. Her wiha erkên dabînkirina jiyaneke azad, birûmet û ewle dane pêş xwe, di heman demê de jî ev yek ji tevahî pêkhateyên gel re jî dane pêş xwe. Li kêlek wê jî zanabûna ewlehî ya li cem gel hîmanekî bingehîn û mezin e û piştgiriya hêzên me kirin da ku bi erkên xwe li hember terorîstan rabin. Em pişta xwe didin vê zanabûn û têgihîştinê û bang li welatiyan dikin tedbîrên ewlehiyê pêk bînin da ku di têkbirina terorê de û binketina hewldana tevliheviya ewlehî û îstîqrarê de bibin destek.
Li gorî wê ev biryar hate dayîn:
Qedexeya giştî li ser Hesekê û gundewarên wê hat rakirin.
Li tevahî herêmên Bakur û Rojhilatê Sûriyê ji 01.02.2022’yan heta demekê din qedexeya beşê tê ragihandin. Qedexe ji saet 06:00 êvarê heta 06:00 sibehê ye.
Ev biryar ne ji bo saziyên xizmetguzarî ye ku xwezaya karê wan berdewam e, mîna firin, aş, sotemenî, şaredarî û navendên tenduristiyê.
