Arjîn Roj /Qamişlo
Waliyê dewleta tirkî yê li Rihayê Abdullah Erîn di nava 2 mehên dawî de bi hincetên cuda herî kêm 7 caran li bajarê Serê Kaniyê û Girê Spî têkilî bi çeteyan re danî.
Hêjayî bir anînê ye ku dema çeteyên DAIŞ’ê êrişî girtîgeha Sînaa ya Hesekê kirin, dewleta tirkan ya dagîrker jî hemwext êrişî, Şingal, Til Temir û Eyn Îsa kir. Di van êrişan de zarok û walatî şehit ketin û gelek jî bîrindar bûn. Herwiha berî van êrişan ku demekê kêm bû, li gorî agahîyên ajansa Hawar girtîn, li Enqerê ji aliyê MÎT’a dewleta tirkî ve civînekê veşartî bi serçeteyên li herêmên dagîrkirî (Efrîn, Serê Kanîyê, Girê Spî) ve hatibû kirin. Li gorî agahiyên hatîn bidestxistin, di vê cîvîna veşartî de serçeteyan ji MÎT’ê çekên giran û dolar xwasti bûn.
Waliyê dagîrker yê li Rihayê Abdullah Erîn jî di nava 2 mehên dawî de bi hincetên cuda herî kêm 7 caran li bajarên Serêkaniyê û Girê Spî re têkilî bi çeteyan re danî. Di heman demê de gelek caran serdana Erîn a ji bo qeyûm tayînî herêma bi navê “Operasyona Kaniya Aştiyê” hatibû kirin. Serleşkerek (7. Kolordu komutani) û hin personelên leşkerî jî bi Waliyê dagîrker Erîn re dikevin van têkilîyan. Abdullah Erîn yê ku herî dawî di 14’ê Çile de çobû Girê Spî, di 2’yê Çile de jî li Serêkaniyê bû.
Hin têkiliyên waliyê dagîrker ku tê gotin, “alîkarî, kontrol û xizmet” ev in:
* Di 27’ê Kanûna 2021’an de Erîn û fermandarê leşkerî û personelên leşkerî yên bajêr çûn Serê Kaniyê.
* Di 23’ê Kanûna 2021’an de Erîn û peywirdarên leşkerî di bin navê “hevdîtina bi gel re” çûn Girê Spî.
* Di 17’ê Kanûna 2021’an de Walî Erîn di bin navê “hevdîtina bi gel re” çû Serêkaniyê.
* Di 16’ê Kanûna 2021’an de Erîn û kesên pê re derbasî Serêkaniyê bûn.
* Di 2’ê Kanûna 2021’an de Erîn di bin navê “Serdana esnafan” de çû Girê Spî.
3 cîvînên bi Soylu re
Walî Erîn di demê van serdanên xwe yên pêyhevdu ku li bajarên dagîrkirî dikir de 3 civînên cuda hatin lidarxistin:
Bi beşdariya Wezîrê Karên Hundir yê Tirk Suleyman Soylu, waliyên dagîrker yên Riha, Hatay, Dîlok û Kilîsê di bin navê “Civîna Hêza Peywira Sûriyeyê” de civîn li dar xistin. Civîna herî dawî ya vîdeokonferansê di 12 Çile de bi beşdariya heman walîyên bajara hate lidarxistin. Di 19ê Kanûna 2021ê de bi pêşengiya Soylu, waliyên 4 parêzgehan li Kilîsê civiyan. Heman walî di 14’ê Kanûna 2021’an de bi vîdeokonferansê civînek li dar xistin.
Hêjayî bîrxistinê ye ku Wezîrê Parastinê yê Tirkiyeyê Hulusî Akar jî, derbarê îdiayên êrîşên 11ê Çileyê yên li dijî leşkerên tirk ên li herêmê da daxuyanî da û got, “Ev êrîşên plankirî yên li derveyî sînorên me gihîştiye sînorê tehemula me. Operasyonên me yên cezakirinê wê bi lez û bez û tundî berdewam bikin.”
Piştî li gîrtîgeha Sînaa hatîn şkandin û operasyona paqijîyê hatî kirin ji aliyê daxuyaniya QSD’ê ve hat diyarkirin ku ji 200 endamên DAIŞ’ê yên êrişê gîrtîgehê kirin, piraniya wan li herêmên bin dagîrkeriya dewleta tirkî de hatîn e.
Eger em têkîliyên dewleta tirk yên beriya vê bûyerê ku bi DAIŞ’ê re ku bi belgeyan hîtî tespîtkirin bi giştî ji bîr bikin jî; Tinê li gor van agahiyên li berçav, ekît dibe ku dewleta tirk çeteyên DAIŞ’ê li herêmên dagirkîrî de bi rêxistin kirîne. Li gor agahî û nêrînên heyî, Êdî çeteyên DAIŞ bûyîne leşkerên dewleta Tirkiyê û wê bi van çetayan ji bo tevlîhevî û qirkirina gelên Rojhilata Navîn bi kar bîne. Dewleta Tirkiyê ji bo Rojhilata Navîn bûye xeteriyekê pir mezin û li hember vê xeteriyê bêdengî jî xeterîyekê mezintir e.
