Pirtûkxaneya gerok ku 16`ê Çileyê ji aliyê Tevgera Ciwanên Şoreşger ya Sûriyê ve hatibû destpêkirin li bajarê Til Temirê bidawî bû.
Tevgera Ciwanên Şoreşger ya Sûriyê di çarçoveya pêngava “Werin şerê azadiyê”ya ji bo azadiya fîzîkî ya rêber Abdullah Ocalan û Însiyatîfa Edaleta ji bo Kurdan a Navneteweyî ya ji bo rakirina qedexeya li ser PKK’ê de, 16’ê Çileyê çalakiya pirtûkxaneya gerok û komkirina îmzeyan da destpêkirin.
Pirtûkxaneya gerok li hemû bajarê herêma Cizîrê û gelek navçe û bajarokê wê geriya. Pirtûkxaneya gerok 7 rojan dewam kir û bi elaqeyeke mezin hate nîşandan.
Di roja dawî ya çalakiya pirtûkxaneya gerok de daxuyaniyek ji aliyê Tevgera Ciwanên Şoreşger a Sûriyê ve hate dayîn.
Daxuyanî wiha ye:
“Em di komîteya amadekar û Tevgera Ciwanên Şoreşger de çalakiyên pirtûkxaneya gerok li Til Temirê bidawî dikin. Me di 16`ê Çileyê de û di çarçoveya pêngava “Dem dema azadiyê ye û werin şerê azadiyê” de dest bi çalakiyên xwe kir. Em li bajarên herêma Cizîrê geriyan. Me ji bajarê Amûdê dest pê kir, paşê berê xwe dan Dêrikê û herî dawî jî Til Temirê. Armanc ji çalakiya me ku fikirên Rêber APO were belavkirin û tevlîbûna pêngava rakirina navê PKK`ê ji lîsteya terorê re xurt bikin. Em di Tevgera Ciwanên Şoreşger a Sûriyê de dibêjin ku PKK`ê hebûn û gel e. PKK`ê xeta azadiya gelan ava kir û bi tu awayan qebûl nakin ku di lîsteya terorê de bimîne.
Em ê çalakiyên xwe dewam bikin. Em ji bo pêkanîna armancên xwe yên sereke ku ew jî azadiya fîzîkî ya Rêber APO û rakirina navê PKK`ê ji lîsteya terorê ye, têbikoşin.”
ANHA