Navenda Nûçeyan/Qamişlo
Çalakiya Konvedanê ya ji aliyê Malbatên şehîdan ya ku li ber deriyê Sêîmalka hatibû lidarxistin, îro hat bidawîkirin. Lê ji bo wergiritina cenazeyên şehîdan û piştgiriya berxwedana gerîla wê çalakiyên bi şêwazên cûda werin lidarxistin.
Berîya 4 mehan 6 gerilayên azadiya Kurdistanê dema ku li Xelîfanê dixwazin derbazbin, pêşmergeyên PDK’ê wan dixin keminê û ji wan gerillayan tinê yek xilas dibe, her pêncên din şehit dikevin. Piştî şahadeta van şervanên azadiyê PDK’ê vê care dest didanî ser cenazeyê wan û teslimî malbatên wa nakir. Li hember van kiryarên PDKê yên dijminahiya gelê kurd dike, li deriyê Sêmalka malbatên şehîdan ku cenazeyên xwe bigrin çalekiya konvedanê destpê kir. Ev çalekiye nizî 4 mehan berdewam kir, lê PDK ne ji hevkariya xwe ya bi dijminê kurd re hat xwarê nejî cenaze teslimî malbatan kir. Bi bahaneya vê çalekiyê derîyê Sêmalka li ser gelê bakur û rojhilatê Sûrî girt.
Ji bo bidawîkirina çalakiya Konvedanê saziya malbatên şehîdan li Sêmalka daxuyaniyek da.
Daxuyanî wiha ye:
“Nêzî 4 meh in ji bo ku em cenazeyên zarokên xwe Tolhildan Raman û Serdem Cûdî yên ku li gundê Bêxmê yê girêdayî Xelîfan li başûrê Kurdistanê bi destê çekdarên PDK şehîd bûne wergerin, Me li vir çalakî dest pê kir.
Tevê hemû bangewazî û daxwazên me ji rayedarên Partiya Demokratîk ya Kurdistanê ku cenazeyên zarokên me yên şehîd radest bikin, lê me tu bersiv wernegirtin.
Çalakiya me çalakiyeke însanî, rawa û mafdar e. mafê her dayîk û bavekî heye ku cenazeyên zarokên xwe bigrin. Emê têkoşîna xwe bidomînin.
Em îro çalakiya xwe li Sêmalka bi dawî dikin, lê belê emê bi şêwazekî nû û li cihên cûda çalakî û têkoşêna xwe bidomînin.
Em tevayiya dost, welatparêz û saziyên ku heya vê rojê serdana me kirin û piştgiriya xwe raber kirin, spas û silav dikin. Herwiha ji wan daxwaz dikin ku heya em bigihijin armanca xwe piştgiriya me bikin.