QSD`ê da zanîn ku Yekîneyên Antî Teror û hêzên Koalisyona Navneteweyî, li rojhilatê Hesekê li hemberî şaneyeke bixeter ya DAIŞ`ê ya ji gelek bûyerên kuştina sivîlan berpirs in, operasyoneke hevbeş kirine.
Navenda Ragihandin û Çapemeniyê ya QSD`ê têkildarî operasyona hêzên QSDê û Koalisyona Navneteweyî ya li dijî şaneyên çeteyên DAIŞ`ê li ser malpera xwe ya fermî, daxuyaniyeke fermîweşand.
Di daxuyaniyê de wiha hat gotin:
“Roja 21`ê Tîrmehê, Yekîneyên Antî Teror û hêzên Koalisyona Navneteweyî, li gundê Xirbet Camûs yê rojhilata Hesekê li hemberî şaneyeke bixeter ya DAIŞ`ê ya ji gelek bûyerên kuştina sivîlan berpirs operasyoneke hevpar li dar xistin.
Di operasyonê de endamên şaneyê ji bo ku bikarin birevin, şer derxistin. Di vî şerî de şervanekî me şehîd bû. Piştî şer, hêzên Koalisyona Navneteweyî li hemberî nuqteya çeteyan êrişeke hewayî bi du fûzeyan kir. Di encama vê operasyonê de 2 çete hatin kuştin, 2 çete jî hatin girtin.
Di dema ku hêzên me li cihê bûyerê lêgerîna xwe ya destpêkê dikirin, rastî cenazeyê zarokekî kuştî hatin. Ji bo zelalkirina sedema kuştina wî zarokî hêzên me wê bi çeteyên hatîn girtin lêpirsînê bikin.”
ANHA
