Her ciyê hişmendiya DAIŞê lê hebe li wir kuştina jin jî heye. Vê carê jî kesên nenas li bajarokê El-Bisêra yê Dêrazorê êrişî malekê kirin. Di encma êrişê de du jin hatin kuştin, 3 kes jî birîndar bûn.
Nûçegihana ajansa nûçeyan Hawr ji Dêrazorê ragihand ku kesên nenas ku li motorsiklêtekê siwar bûn, êrişî mala Beşar Xelîl El-Etwan ya nêzî firûna El-Rawî ya li navenda bajarokê El-Bisêra, kirin.
Kesên nenas gule li malbata Beşar El-Etwan reşandin. Di encamê de Beşar birîndar bû û hevjîna wî yekser jiyana xwe ji dest da.
Herwiha hevjîna Hesen Hemîdî El-Asî ya ku li mala Beşar bû, hate kuştin û du zarokên wê jî birîndar bûn.
Zarokên birîndar li nexweşneyên herêma Dêrazorê tên dermankirin.
ANHA
