Farûk Sakik
Lîstika Roja Hîtîtan behsa demeke wisa dike ku li welêt xela rabûye; êşa zirav qirra mirovan aniye, pêşî li nexweşiyê nayê girtin; xelk bi gilî û gazind e. Keyayê Hîtîtan Suppilluliuma ji bo ku mirovan ji jor ve bişopîne dixwaze barûyekê (Kûle-Birc) lê bike. Ev barû çiqas bilind dibe roj ji ber tê girtin. Keya ji bo hikûmraniya xwe bidomîne ji bo gel di nava tirs û xofê de bigire dixwaze wan hînî tarîtiyê bike.
Xelkê ku hînî tarîtiyê dibe ji bo ku hêviya xwe ya wextekî wê roj hilê ji dest nede û timî di hişê xwe de vê zindî bihêle ji hosteyê ku keviran şeh dike dixwazin li ser keviran Sûretê Rojê çêke.
Hoste digel ku dizane wê derkeve pêşberî keya jî dîsa Sûretê Rojê li ser keviran dinexşîne. Sûretê Rojê di barûya keya de li şûna kevirî tê bikaranîn. Keybanûya ducanî li şûna zarokekê şevşevokerê tîne dinê, tirsa xelkê mezintir dibe. Xelk ji bo ku xwe ji vê tirsê rizgar bike kevirê ku Sûretê Rojê li ser e ji barûyê dikişînin. Dema dikişînin ew barûya zexim diroxe bi erdê re dêmûdûz dibe. Xelk jî ji nû ve digihîje Roja xwe…
Ev lîstikeke şanoyê bû. Lê di rastiya xwe de her wek roja me tarîf dike. Dîsa keyayek bi navê Erdogan ji bo di nava civakê de tirs û xofê biafrînê barûyên mezin ava kirine. Bi van barûyan pêşî li rojê digire û dixwaze civakê ferî tarîtiyê bike.
Barûyên nûjen bi teknolojiya nûjen hatine zeximkirin. Medya û tevayiya hêzên tarî girtine kêleka xwe. Li Tirkiyê gel ji tirsa fêrî tarîtiyê kiriye û bêdeng hiştiye.
Erdogan, piştî barûyên xwe ava kirin, dest bi şerê li dijî Kurdan kir. Lê berî ku êrişên xwe bide destpêkirin, ronahiya di navbera Rêber Apo û civaka kurdan de qut kir. Tecrîd da destpêkirin.
Lê civaka Kurd û hêzên demokrat wek hosteyê ku keviran şeh dike, ji bo ronahiyê ji bîr nekin têkoşîneke mezin didin. Têkoşîna wan dişibe sûretê Roja Hîtît. Ev sûret-têkoşîn di siyaseta Tirkiyê de hatiye bicihkirin. Ev sûretê Roja Hîtît her çiqas nikaribe li Enqerê bibe desthilatdar jî, dikare mûdaxleyî mayin û çûyîna desthilatdariya Enqerê bike. Ev mûdaxale jî, roj were eger ev kevirê sûretê rojê ji diwarê siyaseta Enqerê were kişandin, barûya Erdogan ya zexim wê biroxe û bi erdê re dêmûdûz bibe. Tu hêz wê nikaribin pêşî li vê yekê bigirin.
Ji bo ev yek pêk were îro azadiya Rêber Apo esas tê girtin. Dîsa ji bo vê yekê di qada navneteweyî de pêngavek hatiye destpêkirin. Kurd û dostên Kurdan vê pêngava “dem dema azadiyê ye” dişibînin sûretê Roja Hîtît.
Ew ji wan barûyê xwe yên bilind ku dixwazin civakê tevê bigirin binê kontrola xwe û dixwazin Kurdan jî fêrî tecrîd û dîlgirtina Ocalan bikin. Kurd jî ji bo fêrî tarîtiyê û dîlgirtina Rêber Apo nebin, li her devera lê dijîn têdikoşin. Çalakiyên li zîndanan jî parçeyek vê têkoşînê ne ku bi israr greva birçîbûnê didomînin.
Êdî Kurd ne li bendê ne ka çawa Keybanûya Hîtîtî ya ducanî li şûna zarokekê şevşevokekê bîne dinê, ku tirsa wan zêde be û bikevin nava liv û tevgerê. Kurd bi salan e bûne şahidên gelek bûyêrên dişibin vê çîroka mîtolojîk û êdî tirs ji jiyana xwe dûr xistine. Ji bo roxandina barûya Erdogan
