“Jİ NÊZ VE”
Ednan Mustafa
Lê ev nayê weteya ku hevkariya di navbera HSD’ê û Hevpaymaniya Navneteweyî de bi dawî hat, berûvajî vê yekê hevkarî û piştgirî zêde bû. Eger em van kêmayî û şaştiyan rast bikin em dikarin wiha bi lêv bikin!. Ya yekê; Emerîka wek berpirsiyarê Hêzên Hevpeyman divê bi awayekî eşkere hewlesta xwe ya siyasî ji bo Rêveberiya Xweser ya bakur û rojhilatê Sûrî diyar bike û ji bo ku statûya Rêveberiya Xweser ya Dekokratîk were qebûlkirin xwedîrol be û di wî warî de hewldana wê hebe. Ya duduyan; bi hezaran malbatên DAIŞî û endamên DAIŞê yên girtî di destê HSD’ê de hene. Divê hêzên Hevpeyman, di warê madî, tenduristî û ewlekariyê de piştgiriyê bide hêzên HSDê û hêzên ewlekariyê. Ji bo ku DAIŞî di aliyê dadwerî de werin dadgehkirin di serî de Emerîka û Fransa divê hêzên di nava Hevpeymanê de erkên xwe pêk bînin. Herwiha li hemberî trajediya mirovî ya li wargeha Hol, Erîşa û kampa ROJ dibe, welatên Yekîtiya Ewropa û hêzên Hevpeyman xwediyên berpirsyariyeke exlaqî ne û divê rewşa wan were çarserekirin.
Ya sisiyan û herî girîng; di 28ê Hezîranê de, li peytexta Îtaliya Roma civîna hêzên Hevpeymana li dijî DAİŞê hat lidarxistin. Venexwendina HSD’ê yan yek ji fermandarên YPG û YPJ’ê bêwijdaniyeke li hemberî dostayiya vê hêzê ye. Herwiha di herikandina civîna mijara gotinê de, neanîna navê hêzên HSD’ê û keda ku ji bo têkbirina beleya cîhanê DAIŞê, lekeyeke reş di rûyê van hêzên Hevpeyan de ye. Ya kambaxtir û xeraptir, di serî de Emerîka û Fransa ya ku fermandarên YPJ’ê di qesra Elîzê de pêşwazî kirine û tevayiya hêzên hê li ser erdê hevkariya xwe bi HSD’ê re didomînin bi saya HSD’ê bi awayekî ewle li bakur û rojhilatê Sûrî dijîn. Bê şerm û bê fedî di belevoka encama civîna hêzên Hevpeyman ya şerê li dijî DAIŞê ya li Roma de, HSD ne wek aktorê sereke di şerê DAIŞê de, wek “BEKÇİYÊN ZÎNDANÊN DAİŞê” binavkirin bêwijdaniyek e ku di dîrokê de neyê efûkirin. Bi vê hevoka ku HSD hatiye binavkirin hestên civaka Kurdistanê û hestiyên 11 hezar cangoriyên Şoreşa bakur û rojhilatê Sûrî hejandine. Bêwijdanî, ji xiyanetê zêdetir ziyanê dide mirovan.
Di vê mijarê de, hêzên Hevpeyman ya li dijî DAIŞ’ê erkê xwe yê insanî danîne aliyekî û bi awayekî bêexlaq tevgeriyane. Ji bo vê yekê di serî de hêzên ku di vê gavê de li bakur û rojhilatê Sûrî kar dikin û tevayiya hêzên ku xwe dostên Kurdan dibînin divê yekser lêborîna xwe ji hevalbendên xwe HSD’ê bixwazin û şaşîtiya ku derheqê Hêzên Sûriya Demokratîk de kirine, yekser were serrastkirin û lêborîn ji pêkhateyên bakur û rojhalatê Sûrî bê xwestin.
