HPG’ê diyar kir ku bûyera ku wesaita hêzên leşkerî yên PDK`ê roja Şemiyê hatiye teqandin, ji aliyê gerîlayan ve nehatiye kirin û got, em dixwazin yan heyeteke hevpar yan jî heyeteke serbixwe were vê bûyerê lêkolîn bike.
Navenda Ragihandin û Çapemeniyê ya HPG’ê derbarê bûyera roja Şemiyê de wiha got:
“5’ê Hezîranê ber destê sibehê hêzên leşkerî yên PDK`ê bê agahî û bi tarzeke operasyonel xwestine li Metîna biçin herêma gerîlayan. Ev teqez tiştekî şaş e û xizmeta berjewendiyên neteweyî nake.
Rast e ku hêzên me yên li wir ji bo hişyariyê hin fîşek berdane. Lê ev tişt teqez e ku çeka ku bûye sedema îmhakirina wê wesayîtê ji aliyê hêzên me ve nehatiye bikaranîn. Ji ber wê bi îhtîmaleke mezin ji hewayî û bi fûzeyê li vê wesaitê hatiye xistin.
Meseleya teqîna di vê wesaitê de divê were lêkolînkirin. Em wek HPG diyar dikin ku divê heyeteke hevpar yan jî heyeteke serbixwe vê bûyerê lêkolîn û zelal bike.”
