Berdevkê Serokatiya Komara Iraqê ragihand ku divê dewleta tirkî hêzên xwe yên li Mûsil û başûrê Kurdistanê bikişîne.
Berdevkê Serokatiya Komara Iraqê bi daxuyaniyekê, ragihand ku divê ji bo bidawîkirina binpêkirina serweriya axa Iraqê û pêkanîna ewleyiya şêniyên Iraqê kar were kirin.
Berdevkê Serokatiya Komara Iraqê ragihand ku divê Tirkiye hêzên xwe yên li Mûsil û Herêma Kurdistanê vekişîne. Lewra hebûna wê hêzê berevajiya cîrantiya baş û peymanên navneteweyî ye.
Berdevkê Serokatiya Komara Iraqê fikarên xwe yên li ser êrişa Tirkiyê yali dijî Wargeha Penabaran ya Şehîd Rûstem Cûdî (Mexmûr) anî ziman û wiha got: “Ev pêngaveke metirsîdar e. Jiyana welatî û penaberan dixe metirsiyê. Herwiha li hemberî qanûnên navneteweyî û mirovî ye.”
Di daxuyaniyê de hat gotin ku li ser hîmê berjewendiyên hev Serokatiya Komarê girîngiyê dide bihêzkirina peywendiyên li gel Tirkiyeya cîran, çareserkirina pirsgirêkên ser sînor û mijara ewleyiyê.
ANHA
