Balafirên şer yên Rûsya, piştî êrişên dawî yên çeteyên DAIŞ`ê yên ser hêzên hikumeta Şamê ku di encamê de 23 endamên wê hatin kuştin, bi 40 êrişan çolistana Sûriyê topbaran kirin.
Li gorî Navenda Çavdêriya Mafên Mirovan ya Sûriyê (SOHR) balafirên şer yên Rûsyayê careke din nuqteyên çeteyên DAIŞ`ê yên li çolistana Sûriyê kirin hedef. Balafiran zêdetirî 60 êrişên hewayî pêk anîn.
Êriş li dijî deverên li eniya Asreya ya li rojhilatê gundewarê Hemayê, çolistana Resafe ya gundewarê Reqayê, derdora çiyayê Bişrî yê li rex sînorên îdarî yên di navbera Reqa û Dêrazorê de, eniyên li çolistana rojhilatê Humsê li nêzî Dêrazorê pêk hatin.
Armanca Rûsya ji van êrişan tevgera çeteyên DAIŞ`ê li çolistanê rawestîne piştî ku di êrişî hêzên hikumeta Şamê kirin û di encamê de bi dehan endamên wê hatin kuştin.
Digel van êrişan hêzên hikumeta Şamê û komên alîgirên wê nikarin bermayiyên çeteyên DAIŞ`ê tine bikin ku êrişî hêzên hikumeta Şamê dikin û gelek zirar pê dikin.
