“Çîroka Mirovên ji Ol, Nijad û Çandên Cuda”

Leylan RESO/Qamişlo

Ji bo piştgiriya zarokên nexweşên kansêrê, wênekêşê bi navê Rodî Tahilo, bi durişma “Çîroka Mirovên ji Ol, Nijad û Çandên Cûda” li Navenda Çand û Hunerê ya Mihemed Şêxo ya bajarê Qamişlo pêşangeheke wêneyan li dar xist.

Di pêşangehê de ji çandên cuda 60 wêne hatine pêşkêşkirin. Wê pêşangeh sê rojan û ji saet 9ê sibehê heta 9ê êvarê dewam bike.

Rodî Tahilo fikrê “Çîroka Mirovên ji Ol, Nijad û Çanidên Cuda, ji wênekêşekî Emêrîkî girtiye. Herwiha li Qamişlo û gundewarê wêneyên gelek mirovan girtine.

Tahilo diyar kir ku, ji ber ku bi her kesî re telefon nîne xwestiye bi riya pêşangeha xwe wan wêneyan pêşkêş bike û sedema bingehî ya pêşangehê pişgiriya zarokên nexweşên kansêrê ye.

Wênekêş Rodî Tahilo derbarê mijarê de wiha axivî: “Piştî şer evîn û heskirina di navbera pêkhateyan de lewaz bû. Min dît ku çîrok û şîroveyên li ser Facebookê û medya dijîtal mirovan keyfxweş dikin. Ev jî nîşan dide ku mirovên li herema me ji aşitî û aramiyê hes dikin.”

Di dawiyê de Rodî Tahilo got, diravên ji firiotina wêneyan werin girtin wê li zarokên nexweşên kanserê werin belavkirin.