Endamekî komên “El-Dîfaa El-Wetenî” yên girêdayî hikumeta Şamê berpirsên çandina mayînan li bajarê Hesekê eşkere kirin û got, armanca wan xerabkirina aramiya li herêmê ye.
Di demên dawî de li hin bajarên herêma Cizîrê ya rojhilatê Sûriyê, ji aliyê kesên nenas ve teqîn çêbûn. Bi taybetî li bajarê Qamişlo û Hesekê hatin kirin.
Girêdayî mijarê ajansa nûçeyan HAWAR bi endamekî komên ev teqîn kirîn re hevdîtin kiriye û wî kesî berpirsê teqînên li Hesekê eşkere kiriye.
Mihemed Mehmûd Ubeyd (Ewêla) berpirsê komek ji komên çekdar yên girêdayî hikumeta Şamê “El-Dîfa El-Wetenî” ye. Li Sebi Sigûr sala 1977`an ji dayîk bûye, zewiciye û 7 zarokên wî hene. Navê hevjîna wî Neşîma ye.
Mihemed Mehmûd Ubeyd ku bi navê “Ewêla” tê naskirin Sibata borî li bajarê Hesekê hat girtin.
Li gorî Ewêla, koma berpirsa teqîn û çandina mayînan li bajarê Hesekê girêdayî “El-Dîfa El-Wetenî ye” û yekser girêdayî berpirsekî ji El-Dîfa El-Wetenî li bajarê Hesekê yê bi navê Ebdullqadir Hemo ye.
Ewêla diyar kir ku teqînên li bajarê Hesekê dibûn bi fermanên Ebdullqadir Hemo bûn û got, perspektîfên ji bo hedefkirina çi nuqteyan li Hesekê, Mecid Silêman Ilêwî Ebû Cafer ji Ebdulqadir Hemo digirtin û pêk dianîn.”
Ebdullqadir Hemo berpirsê yekê li bajarê Hesekê yê komên çekdar yên girêdayî hikumeta Şamê ye “El-Dîfa El-Wetenî” û bi praspaktîfên yekser ji şaxên ewleyiyê yên hikumeta Şamê li bajêr, dixebite.
Elwêla wiha dawî li axaftina xwe anî: “Çandina mayînê li taxa El-Neşwa ji aliyê Eymen El-Şarbî ve bû. Lê mayîna duduyan ku erebeya YPG`ê li taxa El-Nasra kir hedef ji aliyê Ehmed Esriye ve bû.”
ANHA
