Hêzên Ewlekariya Hundir ya bakur û rojhilatê Sûriyê ragihand ku qatilê Şehed Hatim El-Hac ya zarok, li bajarê Reqa girtine û diyar kir ku piştî lêpirsînê wê hûrguliyên sûc eşkere bikin.
Hêzên Ewlekariya Hundir ya bakur û rojhelatê Sûriyê li ser mijarê daxuyaniyek weşand.
Di daxuyaniyê de ev agahî hatin parvekirin: “Li ser medya civakî nûçeyên sûcê kuştina zaroka bi navê Şehed Hatim El-Hac belav bûbûn. Derbarê vî sûcî de agahiyên ne rast hatibûn parvekirin ku li ser kuştin û fitneyê teşwîq dikin. Piştî 24 saetan li ser revandina zarok, hêzên me yên di têkoşîna li dijî sûcan de qatil girtin. Lêpirsîn dewam dike. Piştî lêpirsînê emê encamên wê ji raya giştî re ragihînin û sûcdar bişînin dadgehê.
Em Hêzên Ewlekariya Hundir ya Herêma Reqa tevî astengiyan parastina welatiyan û mîsogerkirina maf û milkên wan didomînin. Em soza pêkanîna ewleyî û aramiya herêmên me dubare dikin.”
ANHA
