SOHR: 26 leşkerên hikumetê û alîgirên wê hatin kuştin

Di encama kemîna çeteyên DAIŞ’ê ya li çolistana bajarê Meyadînê de 26 leşkerên hêzên hikumeta Şamê û alîgirên wê hatin kuştin.
Navenda Çavdêriya Mafên Mirovan ya Sûriyê (SOHR) diyar kir ku çeteyên DAIŞ’ê bi kemînekê kerwanekî leşkerên hikumeta Şamê û komên Lîwa Qudis ya alîgirên wê kir amanc. Kemîn li herêma Feyda Ibn Miweyna ya çolistana Meyadîn ya rojhilatê Dêrazorê hat danîn.
SOHRê, diyar kir ku di kemînê de 26 leşkerên hikumeta Şamê û alîgirên wê hatin kuştin û gelek jî birîndar bûn. Dibe ku jimara kuştiyan zêde bibe. Herwiha di şer de 11 çeteyên DAIŞ’ê jî hatin kuştin.